“महाराष्ट्राला निसर्गरम्य समुद्रकिनारा, प्राचीन लेण्या, गड-किल्ले, घनदाट वनसंपदा असा समृद्ध वारसा लाभला आहे. पर्यटन क्षेत्रात खासगी गुंतवणुकीसाठी उत्सावर्धक आणि अनुकूल वातावरण निर्माण करण्यासाठी पर्यटन धोरण 2024 जाहीर करण्यात आलं आहे. येत्या 10 पर्यटन क्षेत्राला 1 लाख कोटी रुपयांची गुंतवणूक करण्याचे आकर्षित ध्येय ठेवण्यात आलं आहे. राज्याचे आरोग्य-पर्यटन धोरणदेखील आखण्यात येत आहे”, असं अजित पवार यांनी सांगितलं.

शिवरायांचं आग्र्यात भव्य स्मारक उभारणार

“मुघलांच्या नजरकैदेतून आग्र्यातून सुटका हा शिवचरित्रातील प्रेरणादायी प्रसंग आहे. छत्रपती शिवाजी महाराज नजरकैदेत होते. तिथे भव्य स्मारक उभारण्याचं राज्य सरकारने ठरवलेलं आहे. त्यासाठी उत्तर प्रदेश शासनाच्या सहकार्याने जागा उपलब्ध करुन घेण्यात येईल आणि तिथे शिवाजी महाराजांचे भव्य स्मारक उभारण्यात येईल”, अशी मोठी घोषणा अजित पवार यांनी यावेळी केली.
Maharashtra Budget: मेट्रो, महामार्ग, सागरी वाहतूक, गुंतवणूक; फडणवीस सरकारच्या अर्थसंकल्पातून १० मोठ्या घोषणा

पुण्याच्या आंबेगावात भव्य शिवसृष्टी प्रकल्प

“येणाऱ्या पिढ्यांना शिवरायांच्या स्फुर्तीदायी चरित्राची ओळख अद्यावत तंत्रज्ञानाच्या आधारे करुन देण्यासाठी पुणे शहरातील आंबेगाव येथे 4 टप्प्यात भव्य शिवसृष्टी प्रकल्प उभारण्यात येत आहे. त्यातील दोन टप्प्यांचं काम पूर्ण झालेलं आहे. उर्वरित काम गतीने होण्यासाठी राज्य सरकारकडून आणखी 50 कोटींचा निधी उपलब्ध करुन देण्यात येत आहे”, अशी माहिती अजित पवार यांनी दिली.

संभाजी महाराजांचं संगमेश्वर येथे स्मारक उभारणार

“छत्रपती शिवाजी महाराजांनी स्थापन केलेल्या स्वराज्याचं रक्षण आणि विस्तारासाठी जीवन स्मरित केलेल्या असीम शौर्य आणि धैर्याने लढलेल्या, सर्व लढ्यात विजयश्री मिळवणाऱ्या छत्रपती संभाजी महाराजांच्या पराक्रमाचा खूणा महाराष्ट्रात जिथे आहेत, त्या कोकणातील संगमेश्वर हे एक ठिकाण आहे. औरंगजेबाच्या महाकाय सेनेशी महाराजांनी बोटावर मोजण्या येतील एवढ्या शूर मावळ्यांना सोबत घेऊन येथेच पराक्रमाची शर्थ केली. स्वराज्यासाठी प्राणाची आहुती देणाऱ्या, स्वाभिमानी राजाची पराक्रमाची स्तुती कायम स्वरुपी जपण्यासाठी संगमेश्वर येथे त्यांचं भव्य स्मारक उभारण्याची घोषणा मी करतो”, असं अजित पवार म्हणाले.

तुळापूर येथील स्मारकाचं काम प्रगतीपथावर

“छत्रपती संभाजी महाराजांचं पवित्र बलिदान स्थळ मौजे तुळापूर आणि मौजे वडू बुद्रूक येथे त्यांच्या भव्य स्मारकाचं काम जोरात प्रगतीपथावर आहे. दरवर्षी एका प्रेरणादायी गीताला छत्रपती संभाजी महाराज राज्य प्रेरणागीत पुरस्कार देण्याचा निर्णय देखील शासनाने घेतला आणि त्याची अंमलबजावणी केली आहे”, अशी माहिती अजित पवार यांनी दिली.

पानिपत येथे भव्य स्मारक उभारणार

“स्वराज्यासाठी बलिदान देणाऱ्या लाखो मराठ्यांचं शौर्याचं प्रतिक म्हणून हरियाणातील पानिपत येथे यथायोग्य स्मारक उभारण्याचा निर्णय आम्ही घेतला आहे. मराठा शौऱ्याचं प्रतिक आहे. हरियणात आमचेच मुख्यमंत्री आहेत. त्यांना आमचे मुख्यमंत्री बोलतीलच आणि तिथेही स्मारकासाठी जागा घेतली आणि तिथे स्मारक होईल”, अशी देखील घोषणा अजित पवारांनी केली.

बाबासाहेबांचं इंदू मिल येथील स्मारक लवकर पूर्ण करणार

“चैत्य भूमी दादर मुंबई येथे इंदू मिलच्या जागेवर भारतरत्न डॉ. बाबासाहेब आंबेडकर यांचं आंतरराष्ट्रीय दर्जाचं स्मारक उभारण्याचं काम सुरु असून त्याठिकाणी देखील पुरेसा निधी उपलब्ध करुन ते लवकरात लवकर पूर्ण करण्याचं आमचं धोरण आहे”, असंदेखील अजित पवारांनी यावेळी सांगितलं.