ग्रामविकासमंत्री जयकुमार गोरे यांनी एका महिलेची छेडछाड केली आहे, असे सांगत काहीजण सोशल मीडियावर आक्षेपार्ह लिखाण करत आहेत, तर काहीजण चुकीची वक्तव्य करून त्यांची बदनामी करत आहेत, असं आता बोललं जातंय. त्याचबरोबर जयकुमार गोरे यांची बदनामी करण्यासाठी सरसेनापती हंबीरराव मोहिते यांच्या नावाचा देखील चुकीचा वापर केला जात आहे. यामध्ये मंत्री जयकुमार गोरे आणि सरसेनापती हंबीरराव मोहिते यांच्या घराण्याची नाहक बदनामी होत आहे, हे निदर्शनास आल्याने सरसेनापती हंबीरराव मोहिते यांच्या तळबीड गावातील ग्रामस्थ आक्रमक झाले असून त्यांनी बदनामी थांबवण्यासाठी संबंधितांना इशारा दिला आहे.