नांदेडमध्ये संतापजनक आणि मन हेलावून टाकणारी घटना घडली आहे. नांदेड शहरातील नामवंत शाळेतील सेवकाने चौथीत शिकत असणाऱ्या विद्यार्थ्यांचा लैंगिक छळ केला. गुरुवारी दुपारी हा प्रकार घडला असून या घटनेने एकच खळबळ उडाली आहे.. शाळेत सेवक पदावर कार्यरत असणारा ५० वर्षीय आरोपी साबसिंघ मुन्नालाल मच्छल याने दहा वर्षाच्या विद्यार्थ्याचा लैंगिक छळ केला असल्याचं उघड झालंय. विद्यार्थी शाळेच्या मैदानावर क्रिकेट खेळत होता. खेळून झाल्यानंतर क्रिकेटची कीट स्टोर रूममध्ये ठेवण्यासाठी गेला असता सेवकाने त्याच्यासोबत दुष्कृत्य केलं. पिडीत विद्यार्थ्यांने घडलेला प्रकार आपल्या पालकांना सांगितला यानंतर संतापलेल्या आई वडिलांनी थेट विमानतळ पोलीस स्टेशन गाठले आणि सेवकविरोधात तक्रार दाखल केली .. तर पोलिसांनी आरोपीला ताब्यात घेतलं असून त्याच्यावर पोक्सो कायद्यानुसार गुन्हा दाखल केला.