काँग्रेसचे नेते रविंद्र धंगेकर यांनी बीड प्रकरणासह विविध मुद्द्यावर भाष्य केलं आहे. मोक्का सारख्या कायद्याचा पालापाचोळा करून टाकला आहे, कायद्याची दहशत राहिली नाही.आधल्या दिवशी कमिशनर मोक्का लावतात आणि त्यानंतर दुसऱ्या दिवशी फिर्यादी म्हणतो तो नव्हताच. यापूर्वी देखील असंच झालेलं आहे, दीपक मानकर यांच्यावर मोक्का लावला.पण निवडणुकीपूर्वी त्यांना सोडलं आणि निवडणुकीत त्यांचा वापर झाला.आत्ताही तसंच झालं, आरोपीच्या डोक्यावर हात ठेवलाय आणि सांगितलं माझं काम करा. कोथरूड मध्ये चंद्रकांत पाटील यांना इतकं लीड का मिळालं? त्यामुळे बीड प्रमाणे…पुण्यात सुद्धा खूप दिवसांपासून आका अस्तित्वात आहेत, ते फक्त भाजपच्या दावणीला बांधलेले…आहेत हा प्रॉब्लेम आहे, असंही यावेळी काँग्रेस आमदार रविंद्र धंगेकर म्हणाले.