दरम्यान प्रकाश जाधव यांचं शीर अपघातानंतर वेगळे झाले होते. जवळपास तासभर शिर पडून होते. रस्त्याने जाणाऱ्यांनी १०८ ला दूरध्वनीवरून कल्पना दिल्याने ॲम्बुलन्स तात्काळ घटनास्थळावर पोहोचून गंभीर जखमी अवस्थेत जिवंत असलेले भारत राठोड यांना तात्काळ ग्रामीण रुग्णालयात आणलं. मात्र रुग्णालयात उपचारा दरम्यान त्यांचा मृत्यू झाला. तर, प्रकाश जाधव यांचे शीर जवळपास एक तास रस्त्यावरच होतं त्यावरून अनेक वाहनं गेल्याचं प्रत्यक्ष दर्शनी सांगितलं. घटनेची माहिती मिळाल्यानंतर सहाय्यक पोलीस निरिक्षक शिवप्रकाश मुळे यांनी घटनास्थळी धाव घेऊन पंचनामा करत प्रकाश जाधव यांचे शीर आणि धड स्थानिकांच्या मदतीने ग्रामीण रुग्णालयात आणलं. तसंच घटना इतकी गंभीर होती की रस्त्यावर रक्ताचा सडा पडलेला होता.