देवेंद्र फडणवीस यांची त्यांच्या बंगल्यावर भाजपच्या मंत्र्यांसोबत आज बैठक सुरु होती. त्यामुळे ते तानाजी सावंत यांना भेटीसाठी वेळ देऊ शकले नसल्याची माहिती आता समोर येत आहे. फडणवीसांनी सर्व भाजपच्या मंत्री आणि आमदारांसाठी आज त्यांच्या बंगल्यावर स्नेहभोजनाचा कार्यक्रम आयोजित केला आहे. या कार्यक्रमावेळी अधिवेशन काळात विरोधक कोणत्या मुद्द्यांवरुन घेरतील आणि आपण कशाप्रकारे त्यांचा प्रतिकार करायचा, तसेच सभागृहात कोणकोणते मुद्दे मांडायचे याबाबत देवेंद्र फडणवीस आपल्या आमदारांना मार्गदर्शन करणार असल्याची माहिती आहे.
Rahit Pawar : महाराष्ट्राच्या राजकारणात ट्विस्ट! शरद पवारांच्या राष्ट्रवादीत रोहित पवार नाराज?

तानाजी सावंतांची फडणवीसांसोबत उद्या भेट होणार?

तानाजी सावंत राज्याचे आरोग्य मंत्री असताना काही निर्णय घेतले होते. त्यांनी दिलेल्या काही आदेशांना मुख्यमंत्री देवेंद्र फडणवीस यांनी स्थगिती दिली आहे. त्यामुळे तानाजी सावंत देवेंद्र फडणवीस यांच्या भेटीसाठी गेल्याची शक्यता आहे. पण त्यांना फडणवीसांच्या बंगल्याबाहेर तीन मिनिटे ताटकळत उभं राहावं लागलं. ते बंगल्यात गेल्यानंतर लगेच बाहेर पडले. त्यांची फडणवीसांसोबत भेट होऊ शकली नाही. दरम्यान, तानाजी सावंत आणि देवेंद्र फडणवीस यांची उद्या भेटीची शक्यता आहे.
Manikrao Kokate : विरोधक आक्रमक, विधानसभा अध्यक्षांच्या दालनात 4 बड्या नेत्यांची बंद दाराआड चर्चा, माणिकराव कोकाटे यांच्या मंत्रिपदाचं काय होणार?

तानाजी सावंत विधान भवनात काय म्हणाले होते?

तानाजी सावंत यांनी विधान भवन परिसरात आज माध्यमांना प्रतिक्रिया दिली होती. “मुख्यमंत्री आणि उपमुख्यमंत्री प्रत्येक टेंडर प्रक्रियेची चौकशी करतील. विरोधक कोणत्याही विषयावरुन टार्गेट करत आहेत. आम्ही विचलित होऊ यासाठी प्रयत्न सुरु आहेत”, अशी टीका तानाजी सावंत यांनी विरोधकांवर केली.