स्वारगेट एसटी आगारात घडलेला प्रकार आरोपी आणि तक्रारदाराच्या संगनमतानं झाल्याचा दावा गाडेच्या वकिलांनी केला. आरोपीनं तक्रारदार तरुणीला ७,५०० रुपये दिले होते. ते दोघे महिन्याभरापासून एकमेकांच्या संपर्कात होते, असा दावा गाडेच्या वकिलांनी केला होता. न्यायालयात केलेला युक्तिवाद त्यांनी माध्यमांच्या प्रतिनिधींनादेखील सांगितला. झालेली घटना दोघांच्या संमतीनं घडल्याचा दावा त्यांनी वारंवार केला.
Swargate Rape Case: लॉजबाहेर बसायचा, ‘त्या’ महिलांवर नजर ठेवायचा अन्…; दत्ता गाडेची मोडस ऑपरेंडी उघड
आरोपी आणि तक्रारदार एकमेकांना १ महिन्यापासून ओळखतात. ती तरुणी स्वत: तिथे आली होती, असा दावा गाडेचे वकील सुमित पोटेंनी केला. ‘घटनेचं सीसीटीव्ही फुटेज समोर आलेलं आहे. त्यात तरुणी कुठेही आरडाओरडा करताना दिसत नाही. ती आधी बसमध्ये चढते. मग आरोपी बसमध्ये जातो. उतरताना आरोपी आधी बाहेर पडतो. मग तरुणी खाली उतरते. त्यावेळीही ती आरडाओरडा करताना दिसत नाही. आरोपीनं तिला बळजबरीनं किंवा ओढत बसमध्ये नेल्याचं कुठेही दिसत नाही. ते दोघे एकमेकांना ओळखत होते,’ असं पोटेंनी सांगितलं.
Pune Swargate Crime: गाडेला अटक, १ लाखाचं बक्षीस कोणाला? गुणाट ग्रामस्थांचा मोठा निर्णय; सरपंच थेट बोलले
पुणे पोलिसांनी आरोपीला अटक केल्यानंतर आरोपी आणि पीडितेच्या मोबाईलचे गेल्या २ वर्षांमधील सीडीआर तपासण्यात आले. त्यातून ते दोघे एकमेकांच्या संपर्कात असल्याचं दिसून आलेलं नाही. त्यामुळे गाडेच्या अडचणीत भर पडणार आहे. गाडेचे वकील खोटी माहिती देऊन दिशाभूल करत असल्याचं यावरुन स्पष्ट होताना दिसत आहे. गाडेच्या वकिलांनी त्याची बाजू मांडताना पीडित तरुणीच्या चारित्र्यावर शिंतोडे उडवले. या सगळ्यासाठी तिलाच जबाबदार धरण्याचा प्रयत्न केला. त्यामुळे संताप व्यक्त होत आहे.