ST Bus: एसटी ताफ्यात नवीन तीन हजार लालपरी दाखल होणार आहेत. यात सीसीटीव्ही, जीपीएस आणि पॅनिक बटण या सुविधांचा समावेश बसबांधणी करतानाच करण्यात येणार आहेत. महामंडळाने बसखरेदीची निविदा प्रक्रिया शुक्रवारपासून सुरू केली आहे.
एसटी ताफ्यात धावणाऱ्या शिवनेरी, शिवशाही वगळता अन्य बसगाड्यांमध्ये सीसीटीव्ही कार्यान्वित नाहीत. एसटीच्या ई-शिवाईमध्ये सीसीटीव्ही असून नव्याने दाखल होणाऱ्या गाड्यांमध्येही सीसीटीव्ही असणार आहेत.
महाशिवरात्रीलाच धक्कादायक निर्णय; आधी शंकराचं दर्शन नंतर दुचाकीतलं पेट्रोल अंगावर टाकलं अन्…
अर्थ खात्याची मंजुरी मिळालेल्या पंचवार्षिक योजनेनुसार, एसटी महामंडळात दरवर्षी पाच हजार साध्या गाड्यांची खरेदी करण्यात येत आहे. २०२५-२६ मधील पहिल्या पाच हजार गाड्यांच्या पूर्ततेसाठी तीन हजार गाड्यांची खरेदी प्रक्रिया सुरू झाली आहे. सीसीटीव्ही कार्यान्वित असलेल्या बसगाड्यांचा पहिला टप्पा वर्षाअखेर दाखल होईल. त्यानंतर टप्प्याटप्प्याने सर्व गाड्या दाखल होणार आहेत. सध्या दोन हजार ६५० गाड्या खरेदी करण्याची निविदा प्रक्रिया पूर्ण झाली आहे, असे महामंडळातील वरिष्ठ अधिकाऱ्यांनी सांगितले.
मोठी बातमी! मध्य रेल्वेवर दोन दिवस विशेष ब्लॉक; CSMTवरुन सुटणाऱ्या ५९ लोकल, ‘या’ मेल-एक्स्प्रेस रद्द, पाहा वेळापत्रक
प्रत्येक बसला १० बस प्रवासी वाहतुकीसाठी देण्यात येत आहेत. महामंडळाच्या ताफ्यात सध्या १४ हजार गाड्या आहेत. १० हजार गाड्यांचे आयुर्मान १० ते १४ वर्षे असून येत्या सहा ते आठ महिन्यांत टप्प्याटप्प्याने निष्कासित करण्यात येत आहे. केवळ चार हजार गाड्या दीर्घकाळ वापरण्यासारख्या आहेत. पाच हजार १३० ई-बसपैकी ३०० बसगाड्या फेब्रुवारीअखेर ताफ्यात दाखल झाल्या आहेत. दोन हजार ६५० गाड्यांपैकी ३२० गाड्या फेब्रुवारीअखेर महामंडळात दाखल झाल्या आहेत. दरमहा ३०० अशा टप्प्यांमध्ये बसगाड्या दाखल होणार आहेत.
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा