Jalgaon Reel Star Murder Case: जळगाव येथील एका रील स्टारच्या हत्या प्रकरणाचा पेच वाढतच चालला आहे. वडिलांनी हत्या केल्याचं समोर आल्यानंतर आता रील स्टारच्या पत्नीने वेगळाच दावा केला आहे.
खान्देशचा प्रसिद्ध रील स्टार विकी पाटील याची त्याच्याच वडिलांनी हत्या केली. आपणच मुलाची हत्या केल्याची चिठ्ठी वडिलांनी लिहिली आणि त्यानंतर स्वत:चंही जीवन संपवलं. जळगावच्या एरंडोलमध्ये घडलेल्या या धक्कादायक घटनेमध्ये आता आणखी एक ट्विस्ट आला आहे. मात्र, आता विकी पाटील याच्या पत्नीने केलेल्या आरोपांमुळे खळबळ माजली आहे. माझ्या सासऱ्यांना शर्टाचे बटणही लावता येत नव्हते, माझ्या पतीची हत्या सासऱ्यांनी नाही तर त्याच्या काकांनी केल्याचा आरोप मयत विकीच्या पत्नीने केला आहे. दुसरीकडे, विकी पाटील याच्या आईने मात्र माझ्या पतीनेच मुलाचा खून करून स्वत:ही जीवन संपवल्याचं सांगितलं आहे.
माजी सैनिक असलेल्या विठ्ठल पाटील यांनी आपल्याच मुलाची हत्या केली आणि त्यानंतर स्वत:ही गळफास लावून घेतला, पण या प्रकरणाचे नेमके कारण समोर आले नव्हते. आता मुलाकडून होत असलेल्या सततच्या छळाला कंटाळून विठ्ठल पाटील यांनी त्यांचा मुलगा विकी पाटील याची हत्या केली आणि मग स्वत:ही जीवन संपवलं. दारू पिऊन मुलगा मारहाण करायचा म्हणून विठ्ठल पाटील यांनी विकीची हत्या केल्याचं विठ्ठल यांच्या पत्नी आणि विकीची आई संगीता पाटील यांनी सांगितलं आहे.
Jalgaon Crime: वडिलांचं टोकाचं पाऊल, दोन दिवसांनी लेकाची कुजलेली बॉडी सापडली, खान्देशी रीलस्टारचा भयानक अंत
विकीच्या पत्नीचा वेगळाच दावा
संगीता पाटील यांनी हत्येचं कारण सांगितलं असलं तरीदेखील विकी पाटीलची पत्नी पायल पाटीलने मात्र वेगळाच दावा केला आहे. माझ्या सासऱ्यांना शर्टाचे बटणही लावता येत नव्हते, ते खून करू शकत नाही, असं पायल पाटील म्हणल्यामुळे याप्रकरणाचा गुंता वाढला आहे.
विठ्ठल पाटील यांनी गळफास लावून घ्यायच्या आधी एक चिठ्ठी लिहिली होती. मुलगा दारूच्या नशेत शिवीगाळ आणि मारहाण करतो. या शारिरिक आणि मानसिक छळाला कंटाळून आपण त्याची हत्या केली आहे, त्याचा मृतदेह नाल्यात पुरला आहे असं विठ्ठल पाटील यांनी चिठ्ठीमध्ये लिहिलं. ही चिठ्ठी लिहून झाल्यानंतर विठ्ठल पाटील यांनी गळफास लावून घेतला.
माझा मुलगा विकी जास्त दारू प्यायचा, त्याच्या वडिलांचे तो अजिबात ऐकायचा नाही. वडील त्याला खूप समजवायचे, पण तो वडिलांना मारहाण करायचा, घरात असलेल्या वस्तूही फोडायचा. आम्ही पोलीस स्टेशनला वारंवार तक्रार केली, पण पोलिसांनी त्याकडे लक्ष दिलं नाही, म्हणून माझ्या पतीचा नाईलाज झाला. ही घटना त्यांनी स्वत:हून घडवून आणली आणि चिठ्ठीही लिहिली, ते माझ्याच पतीचं अक्षर आहे, मी त्यांचं अक्षर ओळखते’, असं विठ्ठल पाटील यांची पत्नी संगीता पाटील यांनी मीडियाशी बोलताना सांगितले.
लेखकाबद्दलनुपूर उप्पलनुपूर उप्पल, महाराष्ट्र टाइम्स ऑनलाईन टीममध्ये डिजिटल कंटेंट प्रोड्युसर म्हणून कार्यरत आहेत, याआधी टीव्ही ९ मराठी, साम टीव्ही, इन मराठी वेबसाईटसाठी काम केलंय. डिजिटल पत्रकारिता क्षेत्रात ७ वर्षांचा अनुभव. राजकीय, सामाजिक लिखाणाची आवड. गुन्हेगारीसंबंधित, विज्ञानविषयक बातम्यांमध्ये हातखंडा… आणखी वाचा