मात्र बूमने केलेल्या तपासात हा व्हायरल व्हिडिओ पुण्याचा असल्याचं समोर आलं आहे. पुण्यातील सिंहगड लॉ कॉलेजजवळ २९ डिसेंबर २०२२ रोजी एका कुख्यात कोयता गँगमधील गुंडांनी कोयत्याने लोकांवर हल्ला केला होता. तसंच दुकानांची तोडफोड केली होती. त्यानंतर पोलिसांनी घटनास्थळी पोहोचून हल्लेखोराला ताब्यात घेत त्याला चांगलाच मार दिला होता.

फेसबुकवर एका यूजरने या घटनेशी संबंधित जुने व्हिडिओ शेअर करत लिहिलंय, की ‘वाह योगीजी, पोलिसांनी जिहादीची बिर्याणी बनवली, योगीजींच्या ड्रोन कॅमेऱ्याचा परिणाम, तात्काळ अॅक्शन’.

अर्काइव लिंक.

एक्सवर एका यूजरने हा व्हिडिओ पोस्ट करत लिहिलंय, की ‘वाह योगीजी पोलिसांनी जिहादीची बिर्याणी बनवली’.

अर्काइव लिंक.

पडताळणीत काय समोर?

बूमने या व्हायरल व्हिडिओचा तपास केला. त्यावेळी व्हिडिओचे काही किफ्रेम गुगल लेन्सद्वारे सर्च केले. त्यावेळी डिसेंबर २०२२ रोजी घडलेल्या या घटनेचे अनेक न्यूज रिपोर्ट मिळाले.

इंडियन एक्सप्रेसच्या ३० डिसेंबर २०२२ च्या रिपोर्टनुसार, पुण्यातील सिंहगड लॉ कॉलेजजवळ कोयता गँगने दोन व्यक्तींवर हल्ला केला आणि दुकानांची तोडफोड केली. हल्लेखोरांकडून २० मिनिटांपर्यंत लोकांना त्रास दिला जात होता.

या वृत्तानुसार, घटनेची माहिती मिळताच भारती विद्यापीठ पोलीस ठाण्याचे मार्शल घटनास्थळी पोहोचले, त्यांनी आरोपीचा पाठलाग करून हल्लेखोरांपैकी एकाला पकडलं आणि नंतर मारहाण केली.

हिंदुस्तान टाइम्सच्या रिपोर्टनुसार, ही घटना २९ डिसेंबर २०२२ रोजी रात्री १० वाजता सिंहगड लॉ कॉलेजच्या कँपसजवळ विराज हाइट्स बिल्डिंगच्या बेसमेंटमध्ये घडली होती.

या रिपोर्टनुसार, भारती विद्यापीठ पोलिसांनी एका इंजिनिअरिंग कॉलेजच्या विद्यार्थ्याच्या हत्येच्या प्रयत्नाच्या आरोपाखाली एका अल्पवयीन मुलाला ताब्यात घेण्यात आलं. तर या प्रकरणातील दुसरा हल्लेखोर किरण दळवी फरार आहे.

यावेळी पोलिसांनी दिलेल्या माहितीनुसार, दोन्ही आरोपींनी स्थानिक रहिवाशांसह या भागातील दुकानदारांमध्येही एकच दहशत निर्माण केली होती. त्यामुळे मालकांनी घाबरुन दुकानं बंद केली होती. आरोपींनी रस्त्याच्या कडेला असलेल्या मोटारसायकल आणि खाद्यपदार्थांच्या दुकानांचीही तोडफोड केली.

हिंदुस्तान टाइम्सच्या वृत्तानुसार, ‘भारती विद्यापीठ पोलीस स्टेशनचे वरिष्ठ निरीक्षक श्रीहरी भैरट यांच्या हवाल्याने सांगण्यात आले, की आरोपीने पीडितेवर कोयत्याने हल्ला केला होता आणि त्यामागे कोणताही हेतू नव्हता. परिसरात केवळ भीती निर्माण करण्याच्या उद्देशाने त्यांनी हा हल्ला केला होता. यात असाही संशय होता, की हल्लेखोर नशेत होते. मात्र संपूर्ण तपासानंतर माहिती समोर येईल’.

टाइम्स ऑफ इंडिया आणि मुंबई तकच्या रिपोर्टमध्ये व्हायरल व्हिडिओ पाहता येईल.

निष्कर्ष

सोशल मीडियावर व्हायरल होणारा हल्लेखोरांचा व्हिडिओ उत्तर प्रदेशातील असल्याचं सांगत शेअर केला जात आहे. मात्र बूमने केलेल्या तपासात व्हिडिओ उत्तर प्रदेशातील नसून पुण्यातील असून तो कोयता गँगच्या हल्ल्याचा असल्याचं समोर आलं आहे.

(This story was originally published by BOOM, and republished by MT as part of the Shakti Collective.)