एसटी आगारातील बसमध्ये घडलेला प्रकार दोघांच्या मर्जीनं झालेला आहे. तक्रारदार मुलगी बसमध्ये आधी चढली. मग तिच्या मागोमाग अशील गेला, असा युक्तिवाद वकील वाजिद खान यांनी न्यायालयात केला. दोघांच्या मर्जीनं ठेवलेले शरीरसंबंध म्हणजे बलात्कार होत नाही, असं सर्वोच्च न्यायालयानं सांगितलेलं आहे, याचा उल्लेख खान यांनी केला. ते पत्रकारांशी बोलत होते. दोघांनी संमतीनं संबंध ठेवले. मग आरोपी पळून का गेला, असा प्रश्न त्यावेळी पत्रकारांनी केला. तो प्रश्न ऐकून वकिलांची फे फे उडाली. तो का पळाला ते मला माहिती नाही, असं म्हणत खान यांनी वेळ मारुन नेली.
Pune Swargate Crime: कोणताही अत्याचार झाला नाही, ‘ती’ मुलगी…; गाडेच्या वकिलांचा कोर्टात खळबळजनक दावा
पोलिसांनी आरोपीचा मोबाईल जप्त करायचा आहे. त्याची वैद्यकीय तपासणी करायची आहे. त्यामुळेच त्यांनी १४ दिवसांची कोठडी मागितली होती. पण त्यांना १२ दिवसांची कोठडी मिळाली, अशी माहिती खान यांनी दिली. आरोपी आणि फिर्यादी यांनी संमतीनं शरीरसंबंध ठेवले. त्याचे पुरावे आहेत. सीसीटीव्हीमध्ये तक्रारदार तरुणी स्वत:हून बसमध्ये चढताना दिसत आहे. त्यानंतर आरोपी बसमध्ये गेला, याचा उल्लेख खान यांनी सातत्यानं केला.

सगळं मर्जीनं झालं तर मग तुमचा अशील पळून का गेला, असा प्रश्न माध्यमकर्मींनी वकिलांना केला. त्यावर तो का पळाला ते मला माहीत नाही. तो तपासाचा भाग आहे. तेव्हा तो पळून गेला. पण आता तो रेकॉर्डवर आलाय ना, असं उत्तर खान यांनी दिलं. पण आरोपी पळून का गेला, या प्रश्न पत्रकारांनी सातत्यानं विचारुनही वकिलांना त्याचं उत्तर देता आलं नाही. आमच्या अशीलानं कोणताही गुन्हा केलेला नाही, याचा उच्चार त्यांनी वारंवार केला.
Pune Swargate Crime: नराधम गाडेकडून तीनदा स्वत:ला संपवण्याचा प्रयत्न, कसा वाचला? महत्त्वाची माहिती समोर
आरोपीनं फूस लावून, खोटं बोलून एसटी बसमध्ये नेलं आणि अत्याचार केला, असं पीडितेनं तक्रारीत म्हटलं आहे. पण सगळं मर्जीनं झाल्याचा दावा करुन तुम्ही त्या मुलीच्या चारित्र्यावर शिंतोडे उडवत नाहीत का, असा प्रश्न पत्रकारांनी विचारला. त्यावर मुलीचं काय म्हणणं आहे ते मला माहीत नाही. मी आरोपीचा वकील आहे, असं उत्तर खान यांनी दिलं.