दरम्यान, आतापर्यंत ९ लाख बहि‍णींवर सरकारने बडगा उगारला आहे. त्यांना योजनेतून वगळण्यात आले आहे. कागदपत्रांच्या छाननी दरम्यान अनियमितता आढळल्याने लाखो बहि‍णींना अपात्र ठरवण्यात आले. यातच लाडकी बहीण योजनेचा फेब्रुवारी महिन्याचा ८ वा हफ्ता अद्याप बहिणींच्या खात्यावर जमा झालेला नाही. फेब्रुवारी महिना संपला असला तरी अद्याप पैसे जमा झालेले नाही. फेब्रुवारीच्या हप्त्यासाठी ३५०० कोटींच्या चेकवर सही केल्याची माहिती समोर आली. पण अद्यापही पैसे न मिळाल्याने महिला संभ्रमात आहेत.

उपमुख्यमंत्री अजित पवार आज परभणी दौऱ्यावर होते. परभणी शहरातील १५ माजी नगरसेवकांनी आज अजित पवारांच्या उपस्थितीत राष्ट्रवादी काँग्रेस पक्षात र्ला. अक्षय देशमुख यांच्या नेतृत्वात झालेला या पक्ष प्रवेशाच्या सोहळ्याला आमदार नवाब मलिक, आमदार राजेश विटेकर, आमदार विक्रम काळे, आमदार राजू नवघरे यांच्यासह मान्यवर मंडळी उपस्थित होती.

पुढे बोलताना उपमुख्यमंत्री अजित पवार म्हणाले की, राष्ट्रवादी काँग्रेस पक्ष हा स्वर्गीय यशवंतराव चव्हाण यांच्या विचाराला पुढे नेणारा पक्ष आहे. कोणत्याही परिस्थितीत शाहू फुले आंबेडकरांचा विचार राष्ट्रवादी काँग्रेस पक्ष सोडणार नाही. सध्या मराठवाड्यामध्ये सामाजिक सलोखा बिघडलेला आहे. हा सामाजिक बिघडलेला सलोखा चांगला नाही, तो सुधारण्याचा आम्ही प्रयत्न करत आहोत. सर्व जाती धर्म आणि पंथ यांना सोबत घेऊन आपल्याला पुढे जायचे आहे. आपण महायुतीमध्ये भाजपसोबत जाण्याचा निर्णय घेतला. त्याचे कारण म्हणजे राज्याच्या व्यापक विकासासाठी हा निर्णय घेतला. देशातील अन्य राज्याच्या विकासाबरोबरच महाराष्ट्राचा विकास व्हावा हीच आपली भूमिका आहे उपमुख्यमंत्री अजित पवार यांनी पुन्हा एकदा शाहू, फुले, आंबेडकरांचा विचार सोडणार नसल्याचे जाहीर केले.