संशोधक डॉ. हिम्मतराव बावस्कर काय म्हणाले?

“दुष्काळी भागात अन्नधान्य कमी पिकतं. रेशनचे गहू हे पंजाब आणि हरियाणातून येतात. बुलढाण्यातील केसगळतीच्या रुग्णांच्या तपासात लक्षात आलं की, रुग्णांच्या ब्लडमध्ये, केसांमध्ये आणि युरिनमध्ये खूप मोठ्या प्रमाणात सेलेनियम आहे. रुग्णांच्या शरिरात इतक्या मोठ्या प्रमाणात सेलेनियम कसं आलं? याची कारणं शोधण्यात आली. त्यातून मोठी माहिती समोर आली. रुग्णांनी खाललेले गहू पाहिले. त्या गहूंच्या पोत्यावर पंजाब हरियाणातून आल्याचं छापलेलं होतं”, अशी माहिती संशोधक डॉ. हिम्मतराव बावस्कर यांनी दिली. दुसरीकडे डॉ. हिम्मतराव बावस्कर यांचा दावा केंद्रीय आरोग्य राज्यमंत्री प्रतापराव जाधव यांनी फेटाळला.

प्रतापराव जाधव काय म्हणाले?

“शरीरामध्ये सेलेनियम वाढल्यामुळेच केसगळती होत आहे. सेलेनियम कशामुळे वाढलं याबाबत संशोधन केलं असता अनेक खाद्य पदार्थांमध्ये सेलेनियमचं प्रमाण आढळतं. कोणत्यामध्ये सेलेनियमचं प्रमाण कमी-जास्त आढळतं. विशेष म्हणजे काही लोकं आरोप करत आहेत की गव्हामुळे केसगळती झाली. पण फक्त गव्हामुळे केसगळती झाली नाही. हा रोग काही फार मोठा गंभीर नाही. याची फार चिंता करायची गरज नाही”, अशी प्रतिक्रिया प्रतापराव जाधव यांनी दिली.
Pune Crime Swargate Depot : बसमध्ये कंडोमचा खच, वसंत मोरेंचा गंभीर आरोप, आगारातील सुरक्षा कार्यालयाची तोडफोड
दरम्यान, बुलढाणा जिल्ह्यातील शेगाव तालुक्यातील अनेक गावांमध्ये केसगळतीच्या आजाराने अक्षरश: थैमान घातलं आहे. इथे अनेक नागरिकांच्या डोक्यावरील सर्व केसांची गळती झाली आहे. फक्त मोठी माणसंच नाही तर लहान मुलं, तरुण आणि वयस्कर नागरिकांच्या देखील डोक्यावरील सगळी केसं गळून गेली आहेत. त्यामुळे शेगाव तालुक्यात एकच खळबळ उडाली आहे. शेगावातील केसगळतीच्या रोगाची दखल घेत केंद्राकडून वैज्ञानिकांचं विशेष पथक संबंधित गावांमध्ये गेलं. या पथकाने तिथल्या नागरिकांच्या रक्ताची, युरिनची आणि केसांची चाचणी केली तेव्हा त्यामध्ये सेलेनियमचे प्रमाण जास्त असल्याने केसगळती होत असल्याचं स्पष्ट झालं. पण सेलेनियम शरीरात कसं वाढलं? याचं उत्तर अद्याप स्पष्टपणे समजू शकलेलं नाही.