आज, बुधवारी महाशिवरात्री आहे. त्र्यंबकेश्वर येथील मंदिरात उत्सवाची तयारी पूर्ण झाली आहे. त्यासाठी देशाच्या अनेक राज्यातून भाविक शहरात दाखल झाले आहेत. या पार्श्वभूमीवर पुरातत्त्व विभागाचे हे पत्र चर्चेचा विषय ठरले आहे. पुरातत्त्व सर्वेक्षण विभागाने वेळोवेळी देवस्थान ट्रस्टला पत्र देत सशुल्क दर्शनाबाबत विचारणा केली आहे. तसेच कोणत्याही विनातिकीट स्मारकावर कोणतेही प्रवेश शुल्क आकरणी करणे हे एएमएएसकायदा १९५८ आणि त्याचे नियम १९५९चे उल्लंघन असल्याचे या पत्रात नमूद करण्यात आले आहे.
दुर्दैवी! परीक्षेपूर्वीच कापली गेली आयुष्याची दोरी, नाशिकमधील दहावीच्या विद्यार्थ्याचा अपघातात मृत्यू
छत्रपती संभाजीनगर, मंडल अधीक्षक, पुरातत्त्व शास्त्रज्ञ यांनी दिनांक २४ फेब्रुवारीला दिलेल्या पत्रामुळे शहरात चर्चेला नवा विषय मिळाला आहे. त्र्यंबकेश्वर मंदिर ट्रस्टतर्फे २०० रुपये आकारून देण्यात येणारे सशुल्क दर्शन बंद करण्यात यावे म्हणून माजी विश्वस्त ललिता शिंदे यांनी सातत्याने पाठपुरवा केला आहे. त्र्यंबकेश्वर मंदिर वास्तूचा भारतीय पुरातत्त्व सर्वेक्षण खात्याच्या संरक्षित स्मारकांच्या यादीत समावेश आहे. येथे दर्शनासाठी शुल्क आकरणी करणे हे कायद्याचे उल्लंघन करणारे असल्याचे निर्देश यापूर्वी देखील ट्रस्टला देण्यात आले आहेत.
Sharad Pawar: संमेलनात अशा वक्तव्यांची गरज नव्हती; ​शरद पवार यांचे नीलम गोऱ्हेंवर टीकास्त्र
ट्रस्टला मिळते कोट्यवधींचे उत्पन्न
त्र्यंबकेश्वर मंदिरात सन २०१३ पासून २०० रुपये पास देऊन सशुल्क दर्शन सुरू करण्यात आले आहे. मध्यंतरी करोना लॉकडाउनचा काही महिन्यांचा कालावधी वगळता याद्वारे प्रतिवर्षी दीड ते दोन कोटीचे उत्पन्न देवस्थान ट्रस्टला मिळते. देवस्थान ट्रस्टच्या उत्पन्नात कोट्यवधींची भर घालणारा हा एकमेव स्त्रोत आहे. दान पेटीतून आणि देणगी पावतीच्या माध्यमातून मिळणारे उत्पन्न तुलनेने अत्यंत कमी आहे. साहजिकच सशुल्क दर्शनाच्या मिळणाऱ्या उत्पन्नातून देवस्थान ट्रस्टचे खर्च सुरू आहेत. भविष्यात या उत्पन्नावर पाणी सोडण्याची वेळ आल्यास देवस्थान ट्रस्टला कायमस्वरूपी उत्पन्न देणारे स्त्रोत निर्माण करण्यासह अनावश्यक खर्चाला आळा घालावा लागेल.