कृषीमंत्री माणिकराव कोकाटे हे 1995 च्या एका प्रकरणामुळे अडचणीत आले आहेत. ते या प्रकरणात दोषी आढळले असून त्यांना 2 वर्षाची शिक्षा सुनावण्यात आली आहे. या शिक्षेविरोधात त्यांनी वरिष्ठ कोर्टात अर्ज केला. याप्रकरणी सत्र न्यायालयात आज सुनावणी पार पडली. आजच्या सुनावणीत त्यांचा जामीन मंजूर झाला. पण उद्या या प्रकरणात अतिशय महत्त्वाचा निकाल येण्याची शक्यता आहे.
माणिकराव कोकाटे यांच्या वकिलांनी कोर्टाच्या सुनावणीनंतर प्रतिक्रिया दिली. “अपीलाचा निकाल होईपर्यंत दोन्ही आरोपी म्हणजे माणिकराव कोकाटे आणि त्यांचे बंधू विजय कोकाटे यांना 1 लाख रुपयांच्या जातमुचलक्यावर जामीन मंजूर केला आहे. मी काही मुद्दे सेशल कोर्टाच्या निदर्शनास आणून दिलं”, अशी प्रतिक्रिया कोकाटे यांच्या वकिलांनी दिली.
वकिलांकडून महत्त्वाची माहिती
“अपील दाखल करताना आपण दोन वेगवेगळे अर्ज दाखल केले होते. एक सस्पेन्स ऑफ सेंटेन्स आणि स्टे ऑफ दी सेंटेन्स. सस्पेन्स ऑफ सेंटेन्स सेशन कोर्टाने मान्य केलं आहे. अपील संपेपर्यंत शिक्षा स्थगित केली आहे आणि जामीनावर सोडलं आहे. पण दोन वर्षांची शिक्षा ते स्टे करण्यासाठी मी युक्तिवाद केला. उद्या सरकारी वकिलांचा युक्तिवाद होईल. त्यावर कोर्टाचा स्वतंत्र निकाल येईल”, अशी प्रतिक्रिया माणिकराव कोकाटे यांच्या वकिलांनी दिली.
Gaja Marne: पुणे पोलिसांचा गजा मारणेला दणका, मुरलीधर मोहोळांच्या निकटवर्तीयाला मारहाण प्रकरणी अटक
“यामध्ये फरक असा आहे की, लोकप्रतिनिधींना दोन पेक्षा जास्त वर्ष शिक्षा झाली तर ते सभागृहात अपात्र ठरतात. त्यामुळे ते तसं होऊ नये यासाठी स्टे अर्ज दाखल केला आहे. स्टे मिळाला तर अपील पीरियड संपेपर्यंत त्यांचं कामकाज सुरु राहील. ती ऑर्डर उद्या कोर्ट करणार आहे”, असं कोकाटे यांच्या वकिलांनी सांगितलं. दरम्यान, या प्रकरणात आता काय-काय घडामोडी घडतात? ते पाहणं महत्त्वाचं आहे.
लेखकाबद्दलचेतन पाटीलचेतन पाटील हे सध्या महाराष्ट्र टाइम्स ऑनलाईन टीममध्ये डिजीटल कंटेंट प्रोड्यूसर म्हणून कार्यरत आहेत. चेतन यांनी याआधी tv9 मराठी, News18 लोकमत, आपलं महानगर येथे काम केलं आहे.… आणखी वाचा