संतप्त अनुयायांकडून विजय वडेट्टीवार यांनी माफी मागण्याची मागणी

जगद्गुरु नरेंद्राचार्यजी महाराज हे लाखो भक्तांचे श्रद्धास्थान असून, त्यांच्या बद्दल अवमानकारक वक्तव्य केल्यामुळे अनुयायांमध्ये मोठा संताप पसरला आहे. या वक्तव्याचा निषेध करत संतप्त अनुयायांनी वडेट्टीवार यांनी तातडीने जाहीर माफी मागावी, अशी मागणी केली. संविधान चौकात झालेल्या या आंदोलनात मोठ्या संख्येने भक्तगण सहभागी झाले होते.
पक्ष पोखरला जात असताना भारदस्त नेत्याने हाती घेतली मशाल! ठाकरे गटासाठी आनंद वार्ता

विजय वडेट्टीवार यांच्याविरोधात जोरदार घोषणाबाजी

आंदोलनकर्त्यांनी वडेट्टीवार यांच्या वक्तव्याविरोधात जोरदार घोषणाबाजी केली. अनेकांनी हातात पोस्टर आणि फलक घेत निषेध नोंदवला. संतांच्या बाबतीत अशी वक्तव्ये करणे अयोग्य असून, त्यामुळे लाखो भक्तांच्या भावना दुखावल्या जातात, असे मत आंदोलकांनी व्यक्त केले. “संत हे समाजाच्या उन्नतीसाठी
कार्य करतात. अशा पवित्र व्यक्तीबद्दल अनादराची भाषा वापरणे माफ होणार नाही,” असे एका भक्ताने सांगितले.
बारामतीत गरजू मुलांवर मोफत शस्त्रक्रिया, अजित पवार-सुनेत्रा पवारांचा उपक्रम, या रुग्णालयात होणार उपचार

वडेट्टीवार यांच्याकडून स्पष्टीकरणाची अपेक्षा

या संपूर्ण प्रकरणावर विजय वडेट्टीवार यांनी कोणतेही स्पष्टीकरण दिलेले नाही. मात्र, भक्तगण आणि अनुयायांनी यासंबंधी तातडीने खुलासा करण्याची मागणी केली आहे. जर त्यांनी माफी मागितली नाही, तर आंदोलन अधिक तीव्र करण्याचा इशारा देण्यात आला आहे. संत, महात्मे आणि धार्मिक गुरू हे समाजाला चांगल्या दिशेने नेण्याचे कार्य करतात. त्यामुळे अशा पवित्र व्यक्तींबद्दल बोलताना जबाबदारीने वक्‍तव्य करणे आवश्यक आहे. विजय वडेट्टीवार यांच्याकडून जगद्गुरु नरेंद्राचार्यजी महाराजांच्या अनुयायांना त्वरित खुलासा अपेक्षित आहे, अन्यथा मोठ्या प्रमाणावर जनक्षोभ उसळण्याची शक्यता आहे.