Kishori Pednekar on Nilam Gorhe : विधानसभेच्या उपसभापती नीलम गोऱ्हे यांनी उद्धव ठाकरेंना उद्देशून केलेल्या वक्तव्यामुळे राजकीय वातावरण तापले आहे. नीलम गोऱ्हेंनी दिल्लीतील साहित्य संमेलनात बोलताना उद्धव ठाकरेंना उद्देशून खळबळजनक वक्तव्य केले आहे.
किशोरी पेडणेकर म्हणाल्या, ती माझी सहकारी कधीच नव्हती. स्वत:ला हुशार समजणारी बाई वेळ न बघता काही बरळते. तीन वेळा आमदार दोन वेळा उपसभापती झालेल्या या बाईने किती मर्सिडीज दिल्या आणि कोणाला दिल्या हे सांगावं. तुम्ही कोणत्या कार्यक्रमाला गेला तर साहित्यिकांच्या कार्यक्रमाला गेला. समाजाला दिशा देणारी माणसं म्हणजे साहित्यिक असतात. तिथे ही बाई जाऊन बरळली. नाव गोऱ्हे असले तरी यांची काम मात्र काळे आहे. तर पेडणेकरांनी गोऱ्हेंनी नालायक बाई म्हणत खोचक टीका केली. तर बाळासाहेब साहित्यिकांना मान द्यायचे, तीच धुरा उद्धव साहेबांनी वाढवण्याचे काम केल्याचेही पेडणेकरांनी नमूद केले.
किशोरी पेडणेकरांनी पुढे त्यांच्या मातोश्रीसंदर्भातील जुन्या काळाचीही वाच्यता केली. त्या म्हणाल्या, ‘मुळात गोऱ्हे एक नंबरची खोटारडी बाई आहे. शिव्या घालायच्या देखील लायकीची नाही. आधी सतत मातोश्रीवर बसलेली असायची आणि सतत बोलायची थांबावं लागेल, तू होतीस कोण आणि तू करतेस काय?’ पुढे पेडणेकरांनी त्यांच्या संघटनेतील कामावरही बोट ठेवले, ‘महिला आघाडी वाढवण्यासाठी कधीच काही केलं नाही.’ यावेळी पेडणेकरांनी आपल्या कार्यक्रमाचा एक साडीचा किस्सा सांगितला. त्या म्हणाल्या, मी एका कार्यक्रमासाठी बोलावलं तर माझ्याकडे साडी मागितली. मी दिली तर मला ती परत केली. मला ही साडी पाहिजे, अशी साडी पाहिजे असं सगळं होतं,’
लेखकाबद्दलविमल पाटीलविमल पाटील, महाराष्ट्र टाइम्स ऑनलाईनमध्ये कंसल्टंट म्हणून कार्यरत आहे. याआधी सामना, आरएनओ वृत्तसंस्थेमध्ये रिपोर्टर म्हणून काम केलं आहे. पत्रकारिता क्षेत्रात तीन वर्षांचा अनुभव आहे. राजकीय आणि विश्लेषणात्मक बातम्या लिहण्याची आवड.… आणखी वाचा