बीड प्रकरणानंतर धनंजय मुंडे यांनी राजीनामा द्यावा अशी मागणी सुरु आहे. आज अंबाजोगाई येथे राष्ट्रवादी अजित पवार गटाचा पक्षनोंदणीचा कार्यक्रम झाला.यावेळी बैठकीत त्यांनी एकमुखी ठराव मांडला, देशमुखांच्या मारेकऱ्यांना फाशी झालीच पाहिजेच. पण धनंजय मुंडे यांची बदनामी थांबवा नाहीतर जशास तसं उत्तर देऊ असंही सांगितलं. पक्ष बांधणीसाठी आम्ही बैठक घेतली आहे, ज्या पक्षात जास्त कार्यकर्ते आहेत…तो पक्ष राज्यावर सत्ता गाजवतो. त्याचबरोबर जास्त कार्यकर्ते असतील तर त्यांचा…मुख्यमंत्री देखील होतो, आम्हाला अजित पवारांना मुख्यमंत्री करायचे आहे. म्हणून आम्ही आजपासूनच पक्षाची बांधणी करत आहोत, असंही ते म्हणाले.