२४ ते २६ फेब्रुवारीदरम्यान ‘महाराष्ट्र टाइम्स मायमराठी कलासंगम’च्या माध्यमातून मायमराठीचा उत्सव साजरा होणार आहे. २४ फेब्रुवारी रोजी दुपारी तीन वाजता या कलासंगमाचे उद्घाटन अच्युत पालव यांच्या हस्ते होईल. यावेळी पालब यांच्याशी प्रात्यक्षिकांसह गप्पाही मारण्यात येणार आहेत.
Amit Shah: ५ कोटी लोकांना २०२९पर्यंत हक्काचं घर; केंद्रीय गृहमंत्री अमित शहा यांची मोठी घोषणा
सोमवारी दुपारपासून ‘महाराष्ट्र टाइम्स’चे कार्यालय असलेल्या ‘द टाइम्स ऑफ इंडिया’च्या प्रांगणाला कलापथाचे रूपडे प्राप्त होणार आहे. तिथे सर्वांना प्रत्यक्ष शिल्पकला, चित्रकला यांसारख्या कलांचा आस्वाद घेता येणार आहे-कलासंगमाच्या सभागृहामध्ये शौर्याची गाथा उलगडणारी प्राचीन शस्त्रे, वैभवाचे प्रतीक असलेले दिवे, संगीताच्या वारशाला सूरतालाचा साजा देणारी विविध मराठमोळी वाद्ये, संग्राह्य मूल्य असणारी टपाल तिकिटे पुस्तक प्रदर्शन पाहता येणार आहे.
मुंबई-नाशिक प्रवास करणाऱ्यांनो कृपया लक्ष द्या! जुना कसारा घाट उद्यापासून राहणार बंद
या महोत्सवासाठी अनेक महत्त्वाच्या संस्था, तसेच यंत्रणांनी सहकार्य केले आहे. मुंबई महानगरपालिका, मुंबई विद्यापीठ, मराठी वाङ्मय मंडळ, मुख्य टपाल कार्यालय (मुंबई) यांचा सहभाग असेल.
होळीनिमित्त मध्य रेल्वेच्या २८ होळी स्पेशल ट्रेन्स, कधी अन् कुठून सुटणार? पाहा वेळापत्रक
घुमणार शाहिरांचा आवाज
आपला जाज्ज्वल्य इतिहास अन् लोककलेचा समृद्ध वारसा शाहीर नंदेश उमप सोमवारी उपस्थितांपुढे सादर करणार आहेत. आजचा तरुण सोशल मीडियावर रमतो, अशी टीका सर्रास केली जाते, पण नंदेश यांना हे मान्य नाही. ‘आज अनेक युवा लोकसंगीताकडे आकृष्ट होत आहेत. त्यांना डफ, हलगी आणि तुणतुण्यातील क्षमता कळली आहे. मनोरंजन, प्रबोधन आणि लोकशिक्षण हा कलेचा मुख्य उद्देश साध्य करण्यासाठीही हे सादरीकरण निश्चित मदत करेल,’ असा विश्वास त्यांनी व्यक्त केला.