नीलम गोऱ्हे तीस वर्षे ज्या पक्षात राहिल्या तिथे असं काही होत असेल तर नीलम गोऱ्हे यांनी एवढा पैसा कुठे ठेवला. या प्रश्नाचं उत्तर त्यांनी दिलं पाहिजे. कारण मातोश्रीवर एवढा कोणताही माणूस वावरत नव्हता. त्या मातोश्रीवर पडीक असायच्या. कुठे-कुठे प्रॉपर्टी घेतली, परदेशात किती पैसे गुंतवले, याचा जाब द्यायच म्हणता पण जाब हा बरोबरीच्या माणसाला द्यायचा असतो. पण चापलुशा, बदमाशी करून आणि मर्जी मिळवून पद मिळवणारी लोकं असतील तर त्यांना जाब विचारून त्यांची उंची वाढवायची नसते. नीलम गोऱ्हे चार वेळा आमदार असली काय किंवा विधानसभेवर असली काय आमच्या नजरेत बदमाश आणि गद्दार असणार आहेत, असं सुषमा अंधारे यांनी म्हटलं आहे.

नीलम गोरे म्हटल्यानंतर तुम्हाला काय आठवतं? एखादी कादंबरी, त्यांनी लिहिलेला वैचारिक ग्रंथ, ललित लेखन, कवितासंग्रह, गेला बाजार एखादा चारोळी संग्रह, त्यांची कोणती साहित्यकृती जास्त गाजली? हे सगळं विचारण्याचे कारण नुकत्याच झालेल्या साहित्य संमेलनामध्ये नीलम गोरे यांची एक मुलाखत झाली. राजकारण्यांना बोलावले ही साहित्यिकांची अपरिहार्यता आणि अगतिकता ही झाली आहे. शिवाय राजकारणी लोकांनाही स्वतःला बुद्धिजीवी म्हणून प्रमाणित करून घेण्याची ही नामी संधी असते. त्यामुळे शासकीय खर्चाने होणाऱ्या साहित्य संमेलनातून स्वतःची पाठ थोपटून घ्यायची संधी सोडतील त्या नीलम गोऱ्हे कसल्या, असं म्हणत सुषमा अंधारेंनी गोऱ्हेंवर निशाणा साधला.

नीलम गोऱ्हे साहित्य संमेलनात गेल्या, तिथे जाऊन साहित्याचे जतन संवर्धन यावर त्यांनी काही बोलावे हे अपेक्षितच नाही कारण आडात असेल तर पोहऱ्यात येईल ना ? मग त्यांनी म्हटले,” मी पक्षात असताना , म्हणजे नीलम गोऱ्हे पक्षात असताना खूप आर्थिक व्यवहार चालायचे. नीलम गोरे यांच्या महागड्या साड्या आणि त्यावरचे मॅचिंग नेकलेस कानातले याचे मला आवडलेले काही डिझाइन्स मी शेअर केलेत. तुम्हाला कसे वाटतात? असा मिश्लिक सवाल करत अंधारेंनी गोऱ्हेंवर टीका केली.