Bhiwandi Woman Assault By Six: भिवंडीत एक धक्कादायक प्रकार घडला आहे. येथे सहा जणांनी मिळून एका २२ वर्षीय तरुणीवर आळीपाळीने सामूहिक अत्याचार केला आहे.
मध्यरात्री भावाचे १५ मिस्ड कॉल अन् ती घरातून निघाली
सूत्राने दिलेल्या माहितीनुसार, २२ वर्षीय पीडित महिला भिवंडी शहरातील फातिमानगर भागात राहत असलेल्या मावशीच्या घरी २० फेब्रुवारीला रात्रीच्या सुमारास झोपली होती. त्यानंतर झोपेतून जाग आल्यानंतर तिने मध्यरात्रीनंतर मोबाईल तपासाला असता तिच्या भावाचे १५ मिस्ड कॉल दिसले. त्यानंतर लगेच तिने मोबाईलवर कॉल केला असता माहिती मिळाली की भावाची तब्येत ठीक नसल्याचे पिडीतेला समजले.
त्यानंतर २१ फेब्रुवारीला पहाटेच्या सुमारास तातडीने रिक्षा पकडून ती भाऊ वाट बघत असलेल्या ठिकाणी गेली असता नराधमांनी तिच्या भावासह रिक्षाचालकाला मारहाण करून पिटाळून लावत तिला नागाव भागातील एका शाळेच्या मागील झाडीझुडूपात नेऊन तिच्यावर सहा नराधमांनी आळीपाळीनं बलात्कार केला. त्यानंतर पीडितेला एकटीला घेऊन नराधम फातिमानगर येथे आले. या ठिकणी उभ्या असलेल्या पिकअप व्हॅनध्येही सामूहिक बलात्कार केला. या घटनेमुळं पीडित महिला भयभीत झाली.
दरम्यान, पीडितेने नराधमाच्या तावडीतून आपली सुटका करत भिवंडी तालुका पोलीस ठाण्यात धाव घेतली आणि तिच्यावर घडलेला धक्कादायक प्रसंग सांगताच पोलिसांनी गुन्ह्याची नोंद करत तो गुन्हा झिरो नंबरने पुढील तपासासाठी शांतीनगर पोलीस ठाण्यात वर्ग केला आहे.
लेखकाबद्दलनुपूर उप्पलनुपूर उप्पल, महाराष्ट्र टाइम्स ऑनलाईन टीममध्ये डिजिटल कंटेंट प्रोड्युसर म्हणून कार्यरत आहेत, याआधी टीव्ही ९ मराठी, साम टीव्ही, इन मराठी वेबसाईटसाठी काम केलंय. डिजिटल पत्रकारिता क्षेत्रात ७ वर्षांचा अनुभव. राजकीय, सामाजिक लिखाणाची आवड. गुन्हेगारीसंबंधित, विज्ञानविषयक बातम्यांमध्ये हातखंडा… आणखी वाचा