नागरिकांच्या सोडवण्यासाठी भाजपचे समस्या आमदार प्रयत्न करणार असून खोपटच्या भाजप कार्यालयात सोमवार व शुक्रवार असे दोन दिवस सकाळी १०.३० ते दुपारी १.३० या वेळेत हा उपक्रम होणार आहे. उपमुख्यमंत्री एकनाथ शिंदे यांच्या बालेकिल्ल्यात या माध्यमातून होणाऱ्या भाजपच्या शक्तिप्रदर्शनाने महायुतीतील मित्रपक्षांचीच एकमेकांवर कुरघोडी सुरु असल्याच्या चर्चा राजकीय वर्तळात सुरू आहेत.

आगामी पालिका निवडणुकांच्या तोंडावर भाजपने ठाण्यात मोर्चेबांधणी सुरू केली असून पक्षाचे शहरातील दोन्ही आमदार ‘कामाला’ लागले आहेत. आमदार संजय केळकर यांनी नेहमीच जाहीरपणे ठाणे पालिकेच्या चुकीच्या कार्यपद्धतीवर परखडपणे टीकाही केली आहे. तर आमदार निरंजन डावखरे यांच्याकडे कोकण पदवीधर मतदारसंघाची जबाबदारी असल्याने या मतदारसंघाचा आवाका मोठा असून विविध घटकांचे प्रश्न सोडवण्यासाठीही ‘आमदार आपल्या भेटीला’ या उपक्रमाचा भाजपला निश्चितच फायदा होणार आहे. तसेच केळकर यांच्या माध्यमातून ठाणे शहर विधानसभेतील नागरिकांच्या समस्या सोडवण्यासाठी हा उपक्रम उपयुक्त ठरणार आहे, असे भाजप ठाणे जिल्हाध्यक्ष संजय वाघुले यांनी सांगितले.
Uddhav Thackeray : राऊत-नार्वेकरांनी ‘मातोश्री’ ताब्यात घेतली, ठाकरेंच्या नेत्याचा चॅनेलवरुन आरोप, उद्धव यांची धडक कारवाई

शिवसैनिकांना बैठकीतून कानमंत्र

एकीकडे भाजपकडून जनता दरबार, आमदार आपल्या भेटीला उपक्रम हाती घेतले जात असतानाच शिवसेनेनेही ठाणे पालिकेच्या आगामी निवडणुकीसाठी जोरदार तयारी सुरू केली आहे. ठाण्याच्या परबवाडी येथील स्व. दादा कोंडके अॅम्पी थिएटर येथे मंगळवारी शिवसेनाप्रमुख पदाधिकारी, महिला आघाडी, तसेच विविध स्तरांवरील कार्यकर्त्यांची महत्त्वपूर्ण बैठक पार पडली.
Ravindra Dhangekar : काँग्रेस प्रदेशाध्यक्षपदी खांदेपालट, पुण्यातही बदलाचे वारे, रवींद्र धंगेकरांना डावलल्याने चर्चांना उधाण
या बैठकीतून पालिका निवडणुकांच्या दृष्टीने पदाधिकाऱ्यांना कानमंत्र देण्यात आला. शिवसेनेचे खासदार नरेश महस्के यांनी पदाधिकाऱ्यांना मार्गदर्शन केले. यावेळी माजी महापौर अशोक वैती, ठाणे जिल्हा महिला आघाडीप्रमुख मीनाक्षी शिंदे, माजी नगरसेवक राम रेपाळे, रमेश वैती, मनोज शिंदे, रमाकांत मढवी, राजेंद्र साप्ते, सुधीर कोकाटे, आशा डोंगरे उपस्थित होते.