पोलिसांकडून आता पुढील तपास हा केला जातोय. अभय शिंगणे (वय 22), मंगेश वायाळ (वय 35) अशी एकनाथ शिंदे यांच्या शासकीय वाहनाला बॅाम्बने उडवून टाकण्याची धमकी देणाऱ्या आरोपींची नावे आहेत. अभय शिंगणे हा टेक्निशियन आहे तर मंगेश हा चालक आहे. दोघांनी मिळूनच धमक्या दिल्याचे स्पष्ट झाले. पोलिसांनी अवघ्या काही तासांमध्ये आरोपींना ताब्यात घेतले आणि आता त्यांची चाैकशी केली जात आहे.
Uddhav Thackeray : राऊत-नार्वेकरांनी ‘मातोश्री’ ताब्यात घेतली, ठाकरेंच्या नेत्याचा चॅनेलवरुन आरोप, उद्धव यांची धडक कारवाईया दोघांनी धमकी नेमकी का दिली आणि त्यांचा उद्देश काय होता, याचा तपास पोलिस करत आहेत. धमकीचा ईमेल आल्यानंतर पोलिस यंत्रणा सतर्क झाली. अज्ञात व्यक्ती विरोधात गुन्हा देखील दाखल करण्यात आला होता. मुंबई गुन्हे शाखेकडून तपास केला जात होता आणि आता बुलढाण्यातून पोलिसांनी दोघांना अटक केले. गेल्या काही दिवसांपासून सतत धमकीचे फोन आणि ईमेल येण्याच्या प्रमाणात मोठी वाढ झालीये.

एकनाथ शिंदे यांच्या नावाने ज्यावेळी धमकी देण्यात आली, त्यावेळी ते दिल्लीला होते. दिल्लीच्या मुख्यमंत्री रेखा गुप्ता यांच्या शपथविधी सोहळ्यासाठी एकनाथ शिंदे हे दिल्लीला गेले होते. एकनाथ शिंदे यांच्या शासकीय वाहनाला बॅाम्बने उडवून देण्याची धमकी देण्यात आल्याने काही काळ खळबळ उडाली होती. सतत एकनाथ शिंदे हे नाराज असल्याची चर्चा रंगताना दिसत आहे. मात्र, एकनाथ शिंदे यांनी अगोदरच स्पष्ट केले की, मी नाराज नाहीये.