लोअर परळ येथील एका ५५ वर्षीय महिलेने ना. म. जोशी मार्ग पोलिस ठाण्यात तक्रार केली आहे. कुंभमेळ्यासाठी त्यांना एक खोली बूक करायची होती. इंटरनेटवर शोध घेत असताना त्यांना एक संकेतस्थळ आढळले. या संकेतस्थळावर दिलेल्या संपर्क क्रमांकावर त्यांनी फोन केला. समोरील व्यक्तीने आमच्याकडून आपल्याला संपर्क केला जाईल, असे सांगितले. पुढील अर्धा तासांत महिलेला दुसऱ्या क्रमांकावर फोन आला. त्या व्यक्तीने व्हॉट्सअॅपवर तंबू बुकिंगचे दरपत्रक पाठविले. आवश्यक ती माहिती दिल्यानंतर, त्या व्यक्तीने उत्तर प्रदेश पर्यटनच्या नावाने असलेला एक बँक खाते क्रमांक दिला.
निवडणुकीतील पराभवासाठी ईव्हीएम नव्हे, आपणच जबाबदार; अमित ठाकरेंची परखड भूमिका
हे बँक खाते अधिकृत वाटल्याने या महिलेने सुरुवातीला ३५ हजार पाठविले. ८ फेब्रुवारी रोजी त्या व्यक्तीने तिला पुन्हा संपर्क साधला आणि सांगितले की, आम्ही हवाई तिकिटेही सवलतीच्या मिळवून देऊ शकतो. त्यानंतर, त्याने २,६१,९९० रुपयांमध्ये सहा तिकिटे बुक करण्याची ऑफर दिली. या महिलेने यावर विश्वास ठेवून काही रक्कम स्वतः आणि उर्वरित रक्कम त्यांच्या मित्राने भरली. इतकी रक्कम भरल्यानंतर समोरील व्यक्तीने संपर्क तोडला. त्यावेळी आपली फसवणूक झाल्याचे महिलेच्या लक्षात आले.
शिवसृष्टीसाठी राज्य सरकार देणार ५० कोटींचा निधी; मुख्यमंत्री देवेंद्र फडणवीसांची घोषणा
बिहार, नागपूर येथून अटक
अन्य एका घटनेत दक्षिण मुंबईतील एका महिलेने आणि कुलाबा येथील एका तरुणाने प्रयागराज येथे हेलिकॉप्टर रायडिंगसाठी ऑनलाइन बुकिंग केले. मात्र यामध्ये फसवणूक झाल्याची तक्रार त्यांनी कफ परेड पोलिस ठाण्यात केली. तांत्रिक पुराव्यांचे विश्लेषण करीत असताना या दोघांकडून घेतलेली रक्कम बिहार येथून एटीएम सेंटरमधून काढण्यात आल्याचे दिसून आले. त्यानुसार वरिष्ठ पोलिस निरीक्षक संदीप विश्वासराव यांच्या मार्गदर्शनाखाली सहायक निरीक्षक अमित देवकर, उपनिरीक्षक रुपेशकुमार भागवत, प्रवीण रणदिवे यांच्या पथकाने तपास करीत बिहार आणि नागपूर येथून अविनाश कुमार ऊर्फ बिट्ट, मुकेशकुमार, सौरभकुमार यांना अटक केली. या टोळीला सिमकार्ड पुरविणाऱ्या सृष्टी बनांवेल या तरुणीलादेखील पकडल्याचे पोलिसांनी सांगितले.