मुख्यमंत्री माझी लाडकी बहीण योजनेचा लाभ घेणाऱ्या नागपूरमधील महिलांनी एकत्र येत नागपूर महिला सन्मान क्रेडिट को-ऑपरेटिव्ह सोसायटीची स्थापना केली आहे. या सोसायटीच्या माध्यमातून जवळपास तीन हजार महिलांनी दर महिन्याला १ हजार रुपये जमा करीत ३० लाख रुपयांचा निधी गोळा केला आहे. या निधींच्या माध्यमातून छोटे उद्योग सुरू करण्यात येणार आहेत. त्याशिवाय काही महिलांनी लहान व्यवसाय सुरू करण्याचा प्रयत्न केला आहे.
निवडणुकीतील पराभवासाठी ईव्हीएम नव्हे, आपणच जबाबदार; अमित ठाकरेंची परखड भूमिका
त्यासाठी आवश्यक ते भांडवल उपलब्ध करून दिले जात आहे. एखादी दुर्घटना घडली तर या संस्थेच्या माध्यमातून मदतही केली जात आहे. भांडवलावर मिळणाऱ्या व्याजावर ही सोसायटी पुढे कार्यरत राहणार आहे. अशा पद्धतीने ज्या महिला पुढे येतील त्यांच्यासाठी महिला व बाल विकास विभाग “सपोर्ट सिस्टीम”देखील उभी करीत असल्याची माहिती महिला व बालविकास विभागाचे सचिव डॉ. अनुपकुमार यादव यांनी दिली. महिला व आर्थिक विकास महामंडळामार्फत (माविम) या महिलांना आवश्यक ती सर्व मदत केली जाईल, असेही त्यांनी यावेळी नमूद केले. येत्या काळात माविमच्या माध्यमातून महिलांसाठी राज्यस्तरीय क्रेडिट सोसायटी सुरू करण्याचा आमचा मानस असल्याचे यादव यांनी यावेळी स्पष्ट केले.
गड होणार अतिक्रमणमुक्त! शिवनेरी किल्ल्यावरुन मुख्यमंत्री फडणवीसांची ‘टास्क फोर्स’ची घोषणा
७.५ लाख महिला बचत गटयादव म्हणाले की, ‘महिला व आर्थिक विकास महामंडळामार्फत (माविम) सुमारे १.५ लाख व महाराष्ट्र ग्रामीण जीवनोत्ती अभियानामार्फत सुमारे ६ लाख याप्रमाणे सुमारे ७.५ लाख महिला बचत गट ग्रामीण भागांमध्ये काम करत आहेत. या बचत गटांच्या माध्यमातून एकत्रित निधी उभा करुन महिलांना विविध उद्यमशील उपक्रम राबविण्याच्या दृष्टिकोनातून नागपुरातील महिलांनी उपक्रम राबविला आहे. या सर्व बाबींमुळे ग्रामीण भागामध्ये निधीची आवक वाढणार असून ग्रामीण भागामध्ये वर्तुळाकार अर्थव्यवस्थेस चालना मिळून ती बळकट होईल व शहरांकडे स्थलांतरण थांबण्यास मदत होईल.’