मस्साजोगचे सरपंच संतोष देशमुख यांच्या हत्येनंतर आमदार सुरेश धस यांनी धनंजय मुंडे यांच्या राजीनाम्याची मागणी केली होती. धनंजय मुंडे यांच्या निवासस्थानी जाऊन धस यांनी त्यांची भेट घेतल्याचा खुलासा बावनकुळे यांनी केलाय, ज्यानंतर मोठी खळबळ निर्माण झालीये.
मनोज जरांगे पाटील यांचा संताप
बावनकुळे यांच्या खुलाश्यानंतर बोलताना सुरेश धस म्हणाले की, धनंजय मुंडे यांच्यावर शस्त्रक्रिया झाल्याने मी त्यांच्या भेटीला गेलो होतो. मी काय कोणाच्या चोरून गेलो नव्हतो. धनंजय मुंडे आणि माझी दोनदा भेट झाली. धनंजय मुंडे आणि सुरेश धस हे साडेचार ताससोबत होते, असेही बावनकुळे यांनी म्हटले. आता अनेकांनी सुरेश धस यांच्यावर जोरदार टीका करण्यास सुरूवात केलीये.
धनंजय मुंडेंना कोअर ग्रुपमध्ये स्थान मिळताच अंजली दमानिया यांचा संताप, थेट म्हणाल्या, गेल्या दहा वर्षात…सुरेश धसांना सुनावले खडेबोल
धनंजय मुंडे आणि सुरेश धस यांच्या भेटीवर मराठा समाजाचे नेते मनोज जरांगे पाटील यांनी संताप व्यक्त केलाय. त्यांनी थेट सुरेश धसांवर टीका केलीये. मनोज जरांगे पाटील म्हणाले की, धस आण्णा एवढा विश्वासघात करायला नकोच होता. कारण लहान विषय नाहीये. या राज्याला काळींबा फासणारा विषय झालाय. क्रुर हत्या झालीये, याला न्याय देताल असे वाटत होते पण तुमच्याकडून इतक्या लवकर दगेची अपेक्षा नव्हवी.
धनंजय मुंडे आणि सुरेश धसांच्या भेटीत काय घडले?
सुरेश धसांनी धनंजय मुंडेंच्या निवासस्थानी जाऊन घेतलेली भेट ही मनोज जरांगेंना अजिबात आवडली नसल्याचे यावरून स्पष्ट दिसत आहे. सुरेश धस यांनी स्पष्ट सांगितले की, धनंजय मुंडे यांच्यासोबतच्या भेटीमध्ये काय घडले आणि किती वेळ दोघांमध्ये काय चर्चा झाली. धनंजय देशमुख यांनी देखील सुरेश धस आणि धनंजय मुंडे यांच्या भेटीबद्दल भाष्य केले. आण्णा आमच्यासोबत कायमच असतील असे, धनंजय देशमुखांनी म्हटले आहे.
लेखकाबद्दलशितल मुंढेमहाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत. राजकीय, मनोरंजन, शिक्षण आणि क्राईम बातम्यांमध्ये विशेष आवड. लोकमत आणि टीव्ही 9 मराठीसह पत्रकारिता क्षेत्रात 6 वर्षांचा अनुभव.… आणखी वाचा