सुरेश धस म्हणाले, “मी चंद्रशेखर बावनकुळे यांच्याकडे असताना अचानक धनंजय मुंडे तिथे आले आणि आमच्यात अर्धा तास चर्चा झाली. प्रदेशाध्यक्ष आम्हाा म्हणाले, हे मिटतंय का? त्यावर मी स्पष्ट सांगितलं की, मतभेद आहेत. तेही तेच बोलले की मनभेद नाहीत मतभेद आहेत आणि या प्रकरणी मी माघार घेणार नाही, हे मी त्यांना तेव्हाच सांगितलं, १५-२० दिवसांपूर्वी ही भेट झाली होती”.

“परवा मी धनंजय मुंडे यांना भेटायला गेलो. एखाद्या व्यक्तीला रुग्णालयात दाखल केलंय, रुग्णालयातून घरी आणलंय असं म्हटल्यानंतर आपली संस्कृती आहे त्याप्रमाणे मी त्यांना भेटायला गेलो. याव्यतिरिक्त आमच्यात कुठलीही चर्चा नाही. तिथून आल्यानंतर मी काल ७३ कोटी रुपयांचा घोटाळा, बोगस बिलं काढली त्याचं पत्र काल अजित पवरांच्या हाती दिलं. काल मी स्वत: कृषी कार्यालयात गेलो होतो, कृषी विभागात जो घोटाळा झाला आहे, त्याचं साडेचार हजार पानांची कादगपत्र अधिकाऱ्याकडून घेतली. जर आमच्यात काही असतं तर मी कशाला कागदपत्र घेतली असती”.

“यात कुठेही गैरसमज करुन घेऊ नका. धनंजय देशमुख यांच्या मेहुण्याशीही बोललो आहे त्यावर धनंजय देशमुख यांनीही प्रतिक्रिया दिली आहे की मी या लढ्यात त्यांच्यासोबत आहे. आज आहे आणि आरोपींना फाशी मिळेपर्यंत राहिल”.

“धनंजय मुंडे काय बोलतात हे त्यांचं त्यांना माहिती. त्यावर मी काही बोलणार नाही. मी फक्त त्यांची विचारपूस करायला गेलो होतो, त्यात काही गैर नाही. लोकांनी याचा गैरसमज करुन घेऊ नये”.

धनंजय मुंडे म्हणाले माझा सहभाग नाही – सुरेश धस

“त्या भेटीत धनंजय मुंडे म्हणाले की माझा सहभाग नाही. मी म्हटलं तुमचा सहभाग आहे की नाही तपासात निष्पन्न होईल. तपासात सर्व निष्पन्न झाल्यानंतर जर त्यात तुम्ही दोषी आढळला नाहीत, तर तो नंतरचा प्रश्न आताचा नाही”.

माणुसकीच्या नात्याने भेटायला जाणं गैर नाही. माझ्या विरोधातीलही कोणी व्यक्ती रुग्णालयात असेल तर भेटायला जाणं गरजेचं आहे. त्यांना रुग्णालयात दाखल केलं हे कळलं म्हणून मी त्यांना भेटायला गेलो. इकडे तिकडे नाही भेटलो तर त्यांच्या निवासस्थानी भेटलो.

चंद्रशेखर बावनकुळे यांच्या निवासस्थानी त्यांनी जेवायला बोलावलं होतं. धनंजय मुंडे नंतर आले. यावेळी बावनकुळे म्हणाले मनभेद आहेत की मतभेद आहेत. तर मी म्हणालो, संतोष देशमुख हत्या प्रकरणासंबंधी बैठक आहे का? तर ते म्हणाले काही मिटेल का? मी म्हटलं मिटणार नाही, संपला विषय.