Mother Of New Born Died By Suicide: घरात चिमुकलीने जन्म घेतल्याने कुटुंबात आनंदाचं वातावरण होतं. मात्र, काही दिवसांनी याच घरात शोक पसरेल आणि ही चिमुरडी आपल्या आईच्या गमावेल.
नेमकं काय घडलं?
ही घटना गुरुवारी दुपारी अडीचच्या सुमारास समोर आली आहे. भाग्यश्री राजेश वानखेडे (वय २४, रा. सर्वश्रीनगर) असं या मृत महिलेचे नाव आहे. पोलिसांनी दिलेल्या अधिक माहितीनुसार, भाग्यश्रीचे पती राजेश हे कुशनचे काम करतात. चार वर्षांपूर्वी या दोघांचे लग्न झाले. भाग्यश्री, राजेश आणि राजेश यांचे वडील हे सर्वश्रीनगर येथे एका भाड्याच्या घरात राहत होते.
अलीकडेच भाग्यश्री व राजेश यांना मुलगी झाली. त्यामुळे घरात आनंदाचे वातावरण होते. मात्र, अचानक सव्वा महिन्यानंतर बाळाने दुध पिणे बंद केले. यामुळे भाग्यश्रीची चिंता वाढली. सव्वा महिन्यांच्या चिमुकली, तिला आईच्या दुधाशिवाय पर्याय नाही, या विचाराने ती दुखावली. दुधाविना मुलीची तब्येतही खालावू लागली होती. आपल्या मुलीची अशी अवस्था पाहून ती माऊली अस्वस्थ होऊ लागली. काय करावे हे तिला सुचेनासे झाले होते. त्यामुळे ती तणावात राहू लागली.
तिला थोडा बदल व्हावा यासाठी राजेशने भाग्यश्री लाखांदूर येथील तिच्या मोठ्या बहिणीकडे पाठविले. मात्र, त्याचाही फारसा फायदा झाला नाही. भाग्यश्रीचे मनोबल ढासाळतच होते. त्यामुळे ती काहीच दिवस बहिणीकडे राहीली आणि ११ फेब्रुवारीला घरी परतली. त्यानंतरही ती उदासच राहत होती. अखेर तिने गुरुवारी सकाळच्या सुमारास विष प्राशन केले. राजेशने तात्काळ तिला उपचारासाठी खासगी रुग्णालयात भरती केले. मात्र, उपचारादरम्यान तिचा मृत्यू झाला. पोलिसांनी या प्रकरणी अकस्मात मृत्युची नोंद केली आहे.
लेखकाबद्दलनुपूर उप्पलनुपूर उप्पल, महाराष्ट्र टाइम्स ऑनलाईन टीममध्ये डिजिटल कंटेंट प्रोड्युसर म्हणून कार्यरत आहेत, याआधी टीव्ही ९ मराठी, साम टीव्ही, इन मराठी वेबसाईटसाठी काम केलंय. डिजिटल पत्रकारिता क्षेत्रात ७ वर्षांचा अनुभव. राजकीय, सामाजिक लिखाणाची आवड. गुन्हेगारीसंबंधित, विज्ञानविषयक बातम्यांमध्ये हातखंडा… आणखी वाचा