अमली पदार्थ विरोधी पथकाने उल्हासनगर, अंबरनाथ आणि शिळ-डायघरमध्ये केलेल्या तीन कारवायांमध्ये एकूण २ कोटी ६० लाखांचे मेफोड्रॉन आणि गांजा जप्त केले आहेत. या कारवायांमध्ये सात आरोपींना अटक करण्यात आली असून आंतरराज्यीय कनेक्शनचा तपास सुरू आहे.
एमडीची पहिली कारवाई सोमवारी उल्हासनगरमध्ये करण्यात आली. येथील नंबर तीनमध्ये ठाणे अमली पदार्थ विरोधी पथकाने छापा टाकत ११ लाख ७२ हजार ५०० रुपयांचे ५८.१ ग्रॅम एमडी जप्त केले. या कारवाईत आरीफ मोहमद शरीफ खान, सफीकुर रेहमान सिराज अहमद खान या तरुणांना अटक करण्यात आली. दुसऱ्या दिवशी अंबरनाथमधील भोईरनगरमधून मंगल उत्तम पवार आणि अमर सुभाष पवार यांना अटक करत २२ लाख ८५ हजार १०० रुपयांचा ४४ किलो ८५५ ग्रॅम गांजा जप्त करण्यात आला.
आमचे लोक तुमच्याकडे घेता तेव्हा काय? आशिष शेलार यांचा थेट उद्धव ठाकरेंना सवालया कारवायानंतर पोलिसांनी शिळ-डायघरधील ठाकुरपाड्यातील चेतन अपार्टमेंटमध्ये छापा टाकत २ कोटी २५ लाख ४५ हजार ५०० रुपयांचे १ किलो १०९ ग्रॅम एमडी जप्त केले. या प्रकरणी इलियास कुशहाल खान, अमान कमाल खान या दोन राजस्थानच्या तरुणांसह शिळ-डायघरमध्ये राहणारा सैफअली असाबउल हक खान याला अटक केली. या तिन्ही कारवायामध्ये एकूण २ कोटी ६० लाखांचे अमली पदार्थ जप्त करण्यात आले असून याप्रकरणी पोलिस ठाण्यात गुन्हे दाखल झाले आहेत. ही कामगिरी गुन्हे शाखेचे पोलिस अपर पोलिस आयुक्त डॉ. पंजाबराव उगले, पोलिस उपायुक्त अमरसिंह जाधव यांच्या मार्गदर्शनाखाली अमली पदार्थ विरोधी पथकाचे वरिष्ठ पोलिस निरीक्षक राहुल मस्के यांच्या पथकाने केली.
राजस्थानवरुन एमडीची तस्करी
शिळ-डायघरमधील कारवाईत जप्त एमडी राजस्थानवरुन आणल्याची बाब पोलिस चौकशीत समोर आली आहे. त्यामुळे अमली पदार्थ विक्रीचे आंतरराज्यीय कनेक्शन उघड झाल्याची माहिती पोलिसांनी दिली. अमली पदार्थ परराज्यात तयार करुन ते महाराष्ट्रात विक्रीसाठी आणले जाते. या प्रकरणातील आरोपींनी महाराष्ट्राबरोबर इतर राज्यातही अमली पदार्थांची विक्री केल्याची बाबही पोलिसांच्या प्राथमिक तपासात स्पष्ट झाली. अन्य आरोपींचा पोलिस शोध घेत आहेत.
लेखकाबद्दलशितल मुंढेमहाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत. राजकीय, मनोरंजन, शिक्षण आणि क्राईम बातम्यांमध्ये विशेष आवड. लोकमत आणि टीव्ही 9 मराठीसह पत्रकारिता क्षेत्रात 6 वर्षांचा अनुभव.… आणखी वाचा