Bharat Gogawale News : रायगड आणि नाशिकच्या पालकमंत्रिपदाचा तिढा सुटला नसतानाही उपमुख्यमंत्री अजित पवार यांच्या नेतृत्वाखाली रायगड जिल्ह्याची बैठक पार पडली. या बैठकीला मंत्री भरत गोगावले हे अनुपस्थित राहिल्याने विविध चर्चांना उधाण आले.
आता रायगडच्या जिल्हा आणि नियोजनाची बैठक पार पडलीये. उपमुख्यमंत्री अजित पवार यांच्या दालनात रायगडची जिल्हा आणि नियोजनाची बैठक पार पडली. या बैठकीला रायगड जिल्ह्याच्या राष्ट्रवादी काँग्रेसच्या मंत्री आदिती तटकरे उपस्थित होत्या. पण शिवसेनेचे मंत्री भरत गोगावले या बैठकीत नव्हते. शिवसेनेचे आमदार महेंद्र दळवी, महेंद्र थोरवे यांनी आपल्याला या बैठकीचं निमंत्रण देण्यात आले नसल्याचे स्पष्ट सांगितले.
शिवसेनेला रायगडच्या DPDC बैठकीतून वगळलं? एकनाथ शिंदे यांची पहिली प्रतिक्रिया, म्हणाले….या बैठकीला फक्त मंत्र्यांनाच आमंत्रण असल्याचे सांगितले गेले. आता या बैठकीला आपण का उपस्थित नव्हतो हे सांगताना स्वत: मंत्री भरत गोगावले हे दिसले आहेत. भरत गोगावले म्हणाले की, अजित दादांनी बोलावलेल्या बैठकीला आज आम्हा मंत्र्यांनाच निमंत्रित होते. आमच्या इतर चारही आमदारांना बोलावले नव्हते. फक्त दोन मंत्र्यांनाच बोलावले होते. परंतू मी रायगडावर असल्याने मी जाऊ शकत नव्हतो. कारण भिडे गुरूजींचा धारकऱ्यांचा कार्यक्रम होता.
त्यांचा जो काही दाैरा होता, पाच दिवसांचा पायी चालत ते पाच दिवस चालतायत आणि आज त्यांचा सांगता समारोप होता. तो आम्ही रायगडावर केला. आमच्यासोबत जवळ जवळ पाच आमदार देखील आले होते. आम्ही सगळ्यांनी मिळून तो कार्यक्रम तिथे केला. परंतू मी या बैठकीला पोहोचू शकत नव्हतो. ती साडेनऊची बैठक होती आणि त्यानंतर मी कॅबिनेटलाही पोहोचू शकत नव्हतो. त्याच्यामुळे या बैठकीला हजर राहू शकलो नाही, असे म्हणताना भरत गोगावले दिसले.
लेखकाबद्दलशितल मुंढेमहाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत. राजकीय, मनोरंजन, शिक्षण आणि क्राईम बातम्यांमध्ये विशेष आवड. लोकमत आणि टीव्ही 9 मराठीसह पत्रकारिता क्षेत्रात 6 वर्षांचा अनुभव.… आणखी वाचा