पालघर तालुक्यातील मनोर परिसरातील रहिवासी असलेला अमान मुराद (वय २९) या तरुणाने पालघरमधील महाविद्यालयात रसायनशास्त्रातील बी.एस.सी. पदवी संपादन केली. त्यानंतर त्याने करस्पॉन्डन्स कोर्सद्वारे एम.एस.सी. पदवीचे देखील शिक्षण घेतले. यानंतर २०१६ मध्ये हा तरुण लुपिन फार्मा या कंपनीत कामाला लागला. पुढे त्याने दमण येथील मॅक्लोड, नेप्रोड, ब्लिस फार्मा त्याचप्रमाणे २०२२ ते २०२३ या कालावधीत रामदेव इतका या कंपनीत काम केल्यानंतर त्याने ही कंपनी सोडली.
राहुल सोलापूरकरचे तोंड फोडा १ लाख ५१ हजार रुपये मिळवा, ठाकरेंच्या नेत्याकडून बक्षीस जाहीर
२०१६ ते २०२३ या कालावधीत औषध बनवणाऱ्या फार्मा, केमिकल कंपन्यांमध्ये वेगवेगळ्या स्तरावर काम केल्यामुळे अमान याला फार्मा आणि केमिकल, रसायनशास्त्राची पुरेपूर माहिती आणि ज्ञान मिळाले होते. याच दरम्यान अमान याने मेफेड्रोन ड्रग्स तयार करण्याचा फॉर्म्युला मिळवला. त्यानंतर त्याने या फॉर्म्युलाद्वारे ड्रग्स तयार करण्याचे ठरवले आणि त्यानुसार अमान याने काही महिन्यांपूर्वी पालघर तालुक्यातील बोईसर येथील काटकरपाडा येथे कलरसिटी परिसरात रूम नंबर १७ ही रूम ही ११ महिन्यांच्या भाडेतत्त्वावर घेतली आणि त्यात प्रयोगशाळा थाटली. त्यानंतर वेगवेगळ्या ठिकाणाहून ड्रग्स बनवण्यासाठी लागणारे केमिकल आणि साहित्य मिळवले.
रणवीर अलाहबादियाच्या आक्षेपार्ह वक्तव्यावर मुख्यमंत्रीही संतापले, म्हणाले अभिव्यक्ती स्वातंत्र्याच्या नावाखाली…
दोन ते तीन दिवसांची असलेली ब्रोमेनायझेशन ही प्रक्रिया या तरुणाने विविध केमिकलचा वापर व त्याला असलेल्या रसायनशासतील माहितीच्या आधारे चार तासात पूर्ण करून ड्रग्स बनवले. तयार केलेले ड्रग्स योग्य आहे की नाही यासाठी ड्रग्स विकत घेणारे आणि पुरवठा करणाऱ्यामार्फत ग्राहकांपर्यंत पोहोचवून त्याबाबतचा प्रतिसाद जाणून घेतला. अमान मुराद याने तयार केलेले मेफेड्रोन ड्रग्स हे अमली पदार्थ योग्य असल्याचे आणि त्याला प्रतिसाद चांगला मिळाल्याने त्याने भाडेतत्त्वावर घेतलेल्या रूममध्ये प्रक्रिया करून ड्रग्स बनवून ते विक्रीसाठी देण्यास सुरुवात केली.

बोईसर परिसरात अमली पदार्थ बनवण्यात येत असल्याची माहिती पोलिसांना मिळाल्यानंतर स्थानिक गुन्हे शाखेच्या पथकाने बोईसर – काटकरपाडा परिसरातील कलर सिटी रूम नंबर १७ येथे रात्री दोन वाजताच्या सुमारास छापा टाकला. यावेळी सदर ठिकाणी पिवळसर पांढऱ्या रंगाची पावडर, मेफेड्रोन ड्रग्स हा अमली पदार्थ आढळून आला. पोलिसांनी कारवाई करत २ कोटी ४१ लाख रुपये किमतीचा १ किलो २०८ ग्रॅम मेफेड्रोन ड्रग्स हे अमली पदार्थ जप्त केले आहे.

याप्रकरणी ड्रग्स बनवणारा आरोपी अमान मुराद याला अटक केली. त्याची अधिक चौकशी केली असता अमान मुराद या उच्चशिक्षित पदवीधर तरुणाने आपल्या ज्ञानाचा गैरवापर करून पैसे कमावण्यासाठी ड्रग्स बनवल्याचं पोलीस तपासात निष्पन्न झाले आहे. याप्रकरणी अमान मुराद याच्याकडून ड्रग्स विक्रीसाठी घेणारे आणि विक्री करणारे आरोपी अशा एकूण चार आरोपींना अटक करण्यात आली आहे. अमान मुराद, कलीम शाकीर खान, अमन आरिफ सय्यद, सनी राजकुमार सिंग अशी अटक केलेल्या आरोपींची नावं आहेत. आरोपींविरोधात बोईसर पोलीस ठाण्यात गुंगीकारक औषधी द्रव्य आणि व्यापारावर परिणाम करणारे पदार्थ अधिनियम १९८५ च्या कलम २१, २२, ८ (क) अन्वये गुन्हा दाखल करण्यात आला आहे. आरोपींना पोलीस कोठडी न्यायालयाने सुनावली असून या प्रकरणी अधिक तपास पोलीस करत आहेत.