या सीसीटीव्ही फुटेजमध्ये 6 आरोपी हे स्कॉर्पिओ गाडीतून पळून जाताना दिसत आहेत. आरोपींनी संतोष देशमुख यांची हत्या केल्यानंतर मस्साजोग गावापासून 80 किमी लांब धाराशिवच्या वाशी येथील एका चौकात गाडी रस्त्याला लावत तिथून धूम ठोकली. हीच तिच स्कॉर्पिओ आहे जी केजच्या टोल नाक्यावरही बघायला मिळाली होती. त्याच गाडीतून आरोपी फरार झाले. आरोपी गाडी सोडताना जीव तोडून पळताना दिसत आहेत. कारण त्यांना घडलेल्या घटनेची भीती होती हे त्यातून दिसत आहे.

आरोपी सुदर्शन घुले, सुधीर सांगळे आणि त्याचे सगळे साथीदार स्कॉर्पिओतून बाहेर पळत जातात. त्यानंतर ते दुसऱ्या गाडीने पुढे गेल्याची शक्यता आहे. ते पळून गेल्यानंतर पोलिसांना तपासावेळी ही गाडी सापडते. हीच गाडी या प्रकरणात वापरण्यात आली आहे. दुपारी 3 वाजता संतोष देशमुखांचं अपहरण होतं. नंतर 5 वाजता त्यांचा मृतदेह सापडतो आणि त्यानंर 7 वाजून 10 मिनिटांनी आरोपी धाराशिवच्या वाशी येथून स्कॉपिओ गाडीतून पळून जाताना दिसत आहेत.
तानाजी सावंत यांचा मुलगा ऋषिराज सावंत किडनॅप? पोलीस उपायुक्तांचं पत्रकार परिषद घेऊन स्पष्टीकरण
संतोष देशमुख यांच्या हत्या प्रकरणाचा तपास आता सीआयडीकडून सुरु आहे. देशमुखांच्या हत्येला आता दोन महिने होत आली आहेत. त्यांच्या मारेकऱ्यांना कठोरात कठोर शिक्षा व्हावी, अशी मागणी देशमुखांच्या कुटुंबियांकडून केली जात आहे. देशमुखांचे बंधू धनंजय देशमुख सातत्याने या प्रकरणाचा पाठपुरावा करत आहेत. या प्रकरणी काही आरोपींच्या मुसक्या आवळण्यात सीआयडीला यश आलं आहे. पण या प्रकरणाचा विस्तार खूप मोठा असल्याचा अंदाज आहेत. या प्रकरणात मोठमोठी नावे असल्याचा आरोप केला जातोय. त्यामुळे या प्रकरणाचा तपास अद्याप पूर्ण झालेला नाही.