अकोला जिल्ह्याच्या मूर्तिजापूर तालुक्यातील रामटेक येथे क्रिकेट खेळण्याच्या क्षुल्लक कारणावरून एका अल्पवयीन आरोपीने २० वर्षीय तरुणावर धारदार शस्त्राने जीवघेणा हल्ला केल्याची घटना घडली. ७ जानेवारी रोजी संध्याकाळच्या सुमारास तरुणावर हा हल्ला करण्यात आला. यात आर्यन श्रीवास गंभीर जखमी झाला असून त्याच्यावर अमरावती येथील जिल्हा रुग्णालयात उपचार सुरू आहेत.
गुप्तांगात शॉक, विवस्त्र करत मारहाण; पत्नीला जुगारात हरल्यानंतर पतीचं घृणास्पद कृत्य
मूर्तिजापूर तालुक्यातील माना पोलीस स्टेशन हद्दीत रामटेक येथील काही तरुण रोज क्रिकेट खेळतात. गुरुवारी ६ फेब्रुवारी रोजी काही तरुण क्रिकेट खेळत असताना गावातील कार्तिक बोरकर हा दारुच्या नशेत तिथे आला. मला चेंडू टाकू द्या, अन्यथा तुमचा खेळ बंद करेल, अशी धमकी त्याने दिली. घाबरुन क्रिकेट खेळणाऱ्या मुलांनी चेंडू त्याच्या स्वाधीन केला, परंतु तो वारंवार चेंडू फेकून मारत असल्याने, फलंदाजी करत असलेल्या आर्यन श्रीवास याने त्याला हटकलं. त्यावर कार्तिक याने आर्यनला तुला बघून घेईल अशी धमकी दिली.

आरोपी कार्तिकने आपल्या अल्पवयीन चुलत भावाला घडला प्रकार सांगितला. यावर दुसऱ्या दिवशी कार्तिक आणि त्याच्या चुलत भावाने संगनमत करुन आर्यन प्रवीण श्रीवास याच्यावर कार्तिकच्या अल्पवयीन चुलत भावाने धारदार शास्त्राने हल्ला केला. यात हल्ल्यात त्याच्या मांडीवर आणि मानेवर सपासप वार केले गेले. यात आर्यन श्रीवास गंभीर जखमी झाला. त्याला तात्काळ स्थानिक रुग्णालयात उपचारासाठी दाखल करण्यात आलं. परंतु प्रकृती गंभीर असल्याने डॉक्टरांनी अकोला किंवा अमरावती येथे उपचारासाठी दाखल करण्याचा सल्ला दिला. जखमी आर्यन श्रीवास याच्या आईने माना पोलिसात ८ फेब्रुवारी रोजी रितसर तक्रार दाखल केली आहे. या प्रकरणी माना पोलीसांनी, अल्पवयीन आरोपी, वय वर्ष १६, आणि कार्तिक बोरकर, वय वर्ष २५ या दोघां विरूद्ध गुन्हा दाखल केला आहे.