बीड जिल्हा म्हटलं की दुष्काळी भाग डोळ्यासमोर येतो.. त्यातही सुशिक्षित बेरोजगारांचा जिल्हा म्हणून सुद्धा बीडकडे पाहिलं जातं. मात्र याच बीड जिल्ह्यातील गेवराई तालुक्यात असलेल्या पाचेगावच्या एका कॉम्प्युटर इंजिनियरने कमाल करून दाखवलीय. या तरुणानं आपली इंजिनियरिंगची नोकरी सोडत थेट शेती करण्याचा निर्णय घेतला आणि या निर्णयात त्याला यशही मिळालं.. तुती पिकाची लागवड करून हा तरुण आता लाखोंचा फायदा कमवतोय..
