राज्य आणि केंद्रातही महायुतीचे सरकार स्थिर आहे. मात्र, तरी अशी चर्चा होते ही मला न समजणारी, माझ्या कल्पनाशक्तीच्या पलीकडील गोष्ट आहे, अशी प्रतिक्रियाही खासदार वाजेंनी व्यक्त केली. शिवसेनेचे (ठाकरे गट) सहा खासदार पक्षप्रमुख उद्धव ठाकरे यांची साथ सोडून उपमुख्यमंत्री एकनाथ शिंदे यांच्या नेतृत्वातील शिवसेनेत प्रवेश करण्याची चर्चा शुक्रवारी सकाळपासून रंगली होती. शिवसेना शिंदे गटाच्या ‘ऑपरेशन टायगर’ची चर्चा सुरू झाल्याने राजकीय वर्तुळात खळबळ उडाली. शिंदे गटाचे मंत्री उदय सामंत यांनीदेखील या हालचालींना दुजोरा दिला होता. दुसरीकडे शिवसेना ठाकरे गटाचे खासदार संजय राऊत यांनी ही अफवा असल्याचे सांगत शिंदे गटावर जोरदार तोफ डागली. त्यानंतर ठाकरे गटाच्या खासदारांनी दिल्लीत एकत्र येऊन एकजुटीचा नारा दिला.
चुकून गोळी सुटली, दोघांचा मृत्यू; मित्राने एकावर अंत्यविधी उरकले, दुसऱ्याला पालघरच्या जंगलात गाडलं
‘त्या’ सहा खासदारांमध्ये नाशिकचे शिवसेना ठाकरे गटाचे खासदार वाजे यांचेदेखील नाव घेतले जात होते. परंतु, वाजेंनी हे वृत्त फेटाळले आहे. यासंदर्भात माध्यमांशी बोलताना वाजे म्हणाले, की असा कुठलाही संपर्क माझ्याशी झालेला नाही. आमच्यामध्ये अशी चर्चादेखील झालेली नाही. कालच पक्षाच्या संसदीय कार्यालयाचे खासदार संजय राऊत यांच्या हस्ते उद्घाटन झाले. सर्वच खासदार त्यासाठी हजर होते. आमच्यात खेळीमेळीची चर्चा झाली. पक्षाचे काम अधिवेशनात कसे करायचे? पक्षाची बाजू कशी मांडायची? याबाबत आमची चर्चा झाल्याची माहिती त्यांनी यावेळी दिली.
मालकिणीच्या खात्याची नोकराकडून ‘सफाई’; मोबाइलवरुन वळविले ८ लाख रुपये, काय घडलं?
ईडी आणि सीबीआयचा धाक दाखवून अनेकदा पक्षप्रवेश होत असल्याचे पाहायला मिळत आहे. तुमच्यासोबतदेखील असेच घडत आहे का, असे विचारले असता माझ्याबाबतीत असे व्हायचे काहीच कारण नाही. शिवसेना ठाकरे गटाचे खासदार शिंदे गटात प्रवेश करणार अशी चर्चा वारंवार रंगताना पाहायला मिळते. याबाबत विचारले असता खासदार वाजे म्हणाले, की मला तेच समजत नाही की हे का होत आहे? कारण, राज्यात मोठ्या प्रमाणात युतीसोबत आमदार आहेत. राज्य सरकार स्थिर आहे. केंद्रातही सरकार स्थिर आहे. मात्र, तरी अशी चर्चा होते ही मला न समजण्यासारखी गोष्ट आहे. आपण मात्र पक्षप्रमुख ठाकरेंसाबतच आहे, असे त्यांनी सांगितले.