Dombivli Doctor Assault Case : एखादा लोकप्रतिनिधी मतदारांवरच हल्ला करतो तेव्हा लोकशाहीच्या मूलभूत रचनेला धक्का बसतो’, अशी महत्त्वाची व गंभीर टिप्पणी मुंबई हायकोर्टाने डोंबिवली डॉक्टर मारहाण प्रकरणातील मुख्य आरोपी रमेश म्हात्रे यांना कठोर अटींखाली जामीन देताना केली.
म्हात्रेसह अन्य तीन आरोपींनाही प्रभारी मुख्य न्यायमूर्ती रवींद्र घुगे यांनी आरोपपत्र दाखल होईपर्यंत महाराष्ट्राबाहेर रहायचे, या कठोर अटीसह पीडित व साक्षीदारांवर कोणताही प्रभाव टाकायचा नाही आणि पीडित व साक्षीदारांच्या कुटुंबीयांशी व मित्र मंडळींशी संपर्क साधायचा नाही, आरोपपत्र दाखल होईपर्यंत महाराष्ट्राबाहेर रहायचे, या कठोर अटीसह पीडित व साक्षीदारांवर कोणताही प्रभाव टाकायचा नाही, पासपोर्ट न्यायदंडाधिकाऱ्यांकडे जमा करायचा, खटल्याच्या सुनावणीला नियमित हजेरी लावायची, पोलिस ठाण्यात दिलेल्या तारखांना उपस्थित राहून आपली हजेरी नोंदवायची, अशा अटी हायकोर्टाने चारही आरोपींना घातल्या आहेत.
Pune Crime : शाळेपासून अफेअर, पुण्यात जाताच निकिता विसरली; संतप्त तरुणाने हिंजवडी गाठली, एक्सच्या प्रियकराला जीवानिशी संपवलं
डोंबिवलीत डॉक्टरला मारहाण
बरोबर एक महिन्यापूर्वी ६ जुलै रोजी एका गर्भवतीच्या उपचारांना कथित विलंब केल्याच्या कारणावरून कुटुंबीयांचा रुग्णालय कर्मचाऱ्यांशी वाद झाल्यानंतर म्हात्रे व अन्य तीन जणांनी महिला डॉक्टरसह दोन डॉक्टरांना मारहाण केली होती. तसेच वैद्यकीय कर्मचाऱ्यांना शिवीगाळ केली होती. मारहाणीचा व्हीडिओ व्हायरल झाल्यानंतर या घटनेबाबत राज्यभरात तीव्र प्रतिक्रिया उमटल्या होत्या. म्हात्रेंसह अन्य आरोपी काही दिवस पोलिस कोठडीत राहिल्यानंतर कल्याणमधील न्यायदंडाधिकारी कोर्टाने प्रथम म्हात्रेंना १५ जुलै रोजी जामीन मंजूर केल्यानंतर ते कोठडीबाहेर आले होते, तर अन्य तीन आरोपींनाही जामीन मंजूर झाल्याने त्यांचे कोठडीबाहेर येणे बाकी होते.
त्याच वेळेस हायकोर्टाने या घटनेची स्वत:हून दखल घेऊन ‘सुओ मोटो’ याचिका दाखल करून घेतली आणि प्राथमिक सुनावणीनंतर न्यायदंडाधिकारी कोर्टाचा आदेश रद्द करून, चौघांचे जामीन १८ जुलै रोजी स्थगित केले. तसेच म्हात्रेंना पोलिसांसमोर आत्मसमर्पण करण्याचा आदेश दिला. त्यानुसार, ते शरण आल्यानंतर पोलिसांनी त्यांना पुन्हा करून न्यायदंडाधिकारी कोर्टासमोर हजर केले. त्यानंतर त्यांची रवानगी न्यायालयीन कोठडीत करण्यात आली होती.
Nagpur Accident : मुंबईत मेडिकल शिक्षण, उदयोन्मुख डॉक्टर तरुणीचा करुण अंत, रुग्णसेवेनंतर मध्यरात्री घरी जाताना काळाचा घाला
दहा दिवसांत विशेष सरकारी वकील नेमण्याचा आदेश
‘राज्य सरकारने दहा दिवसांच्या आत या खटल्याच्या सुनावणीसाठी मोठी गुन्हेगारी प्रकरणे हाताळल्याचा अनुभव असलेल्या अनुभवी वकिलाची विशेष सरकारी वकील म्हणून नेमणूक करावी. तपास अधिकारी असलेल्या पोलिस उपायुक्तांनी उर्वरित तपास जलदगतीने पूर्ण करावा. तसेच गुन्ह्याच्या घटनेचे पुरावे असलेले सीसीटीव्ही फूटेज, फोटो व आवाजांचे नमुने याबाबत कलिना येथील न्यायसहायक प्रयोगशाळेने १५ दिवसांत अहवाल द्यावा’, असेही खंडपीठाने आदेशात स्पष्ट केले.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा