केजरीवालांची पुन्हा सत्ता की २७ वर्षांनी भाजप सरकार?
सत्तारुढ आम आदमी पक्ष (आप) राजधानीत सलग चौथ्यांदा सत्तेत येईल की भाजप २७ वर्षांनंतर सरकार स्थापन करील याचा फैसला, आज दुपारपर्यंत निकालांचे कल समोर आल्यावर स्पष्ट होईल. मतमोजणीच्या पार्श्वभूमीवर दिल्लीतील १९ संवेदनशील मतमोजणी केंद्रांवर शुक्रवारपासून निमलष्करी दलांच्या दोन कंपन्या आणि दिल्ली पोलिस कर्मचाऱ्यांसह त्रिस्तरीय सुरक्षा व्यवस्थासज्ज ठेवण्यात आली आहे.