महिलेच्या अंगावर गंभीर जखमा

भगवान शिंदे यांनी दिलेल्या माहितीनुसार, सोजरबाई बोबडे दुपारी १२ वाजता शेतातील जनावरांच्या गोठ्यात नेहमीप्रमाणे गेल्या होत्या. मात्र, दुपारी ३ वाजता बिभीषण दासू शिंदे हे शेतातील जनावरे आणण्यासाठी जात असताना त्यांना सोजरबाई यांचा मृतदेह आढळला. त्यांच्या अंगावरील गंभीर जखमा पाहता बिबट्याने त्यांच्या नरडीचा घोट घेतल्याचे स्पष्ट झाले. बिबट्याने सोजरबाई बोबडे यांच्यावर हल्ला करुन त्यांना गंभीररित्या जखमी केलं होतं. तसंच बिबट्याने त्यांच्या गळ्याला पकडून त्यांना ठार केलं. त्यांच्यावर हल्ला केल्यानंतर त्यांचा मृतदेह तिथेच गोठ्यात पडलेल्या अवस्थेत होता.
दबा धरलेल्या बिबट्याची चिमुरड्यावर झडप, आजोबांसमोर फरफटत नेलं, आवाज ऐकून नागरिक धावले, पण…

वनविभागाकडून कारवाई सुरू

घटनेची माहिती मिळताच सोजरबाई यांचे नातू जगन्नाथ बबन बोबडे यांना याबाबत कळवण्यात आले. त्यानंतर ग्रामस्थांनी घटनास्थळी धाव घेतली. या घटनेची तातडीने माहिती पाटोदा वनविभागाचे अधिकारी काळे आणि पोलीस निरीक्षक जाधव यांना देण्यात आली.

या घटनेमुळे संपूर्ण परिसरात भीतीचे वातावरण निर्माण झाले आहे. ग्रामस्थांनी वनविभागाला त्वरित बिबट्याचा बंदोबस्त करण्याची मागणी केली आहे. वनविभाग आणि पोलिस प्रशासन घटनास्थळी दाखल होऊन पुढील तपास करत आहे. महिलेच्या निधनाने परिसरात हळहळ व्यक्त होत आहे.

बिबट्याच्या हल्ल्यात अनेकांचा मृत्यू, पाळीव प्राण्यांवरही हल्ले

दरम्यान, याआधीही जुन्नर, धुळे, चंद्रपूर, पुणे अशा भागात बिबट्याचा मुक्त संचार पाहायला मिळाला आहे. बिबट्याच्या वावरामुळे नागरिकांमध्ये भीतीचं वातावरण निर्माण होतं. आतापर्यंत अनेकांना लहान – थोरांना बिबट्याच्या हल्ल्यात आपला जीव गमवावा लागला आहे. तसंच अनेकांच्या गोठ्यातील प्राण्यांवर, तसंच पाळीव कुत्रे, कोंबड्यांवरही बिबट्याने हल्ले केल्याच्या घटना समोर आल्या आहेत.