काय झालं नेमकं?

डीएफसीसीअंतर्गत अप्पर कोपर रेल्वे स्थानकात तिसऱ्या मार्गिकेसाठी पुलाची उभारणी सुरू आहे. याच ठिकाणी खाद्यपदार्थ, पानपट्टीच्या हातगाड्या, अनधिकृत टपऱ्या रस्त्याकडेला रेल्वेच्या जागेत थाटल्या आहेत. प्रकल्पाच्या कामादरम्यान दुर्घटना घडण्याची शक्यता असतानाही, या टपऱ्या हटविण्यात आलेल्या नाहीत.

त्यातच मंगळवारी या हातगाड्या, टपऱ्यांवर लोखंडी क्रेन कोसळली. त्यामुळे टपऱ्या मोडून पडल्या. यावेळी वडे तळत असलेल्या गुंजन हिच्या पाठीवर, पायावर उकळते तेल सांडल्याने ती गंभीर भाजली. तिला प्रथम शास्त्रीनगर रुग्णालयात, त्यानंतर खासगी रुग्णालयात नेण्यात आले.
Pune Accident : पुण्यातील ब्रिजवर जोरदार धडक, गंभीर जखमी दुचाकीस्वाराला रिक्षा चालकाने रुग्णालयातही नेलं, पण…
यानंतर टपऱ्या हटविण्यात आल्या. मात्र फेरीवाल्यांनी क्रेनचालकाला बेदम चोप दिला. आता या टपऱ्या पुन्हा उभारून देण्यासाठी फेरीवाल्यांकडून रेल्वे कंत्राटदारावर दबाव टाकला जात आहे. या टपऱ्यांची जागा स्वच्छ करण्यासाठी जेसीबीसह यंत्रसामग्री जुंपल्याने आश्चर्य व्यक्त होत होते.

रेल्वेच्या जागेत अनेक वर्षांपासून अनेक टपऱ्या, अनधिकृत हातगाड्या कार्यरत आहेत. अवजड कामे सुरू असताना तरी भविष्यातील दुर्घटना टाळण्यासाठी या फेरीवाल्यांवर रेल्वे प्रशासनाने कारवाई करावी, अशी मागणी होत आहे.

क्षुल्लक कारणावरुन मुंबईत हत्या

दुसरीकडे, दक्षिण मुंबईतील जे. जे. मार्ग परिसरात फुटपाथवर एका तरुणाची दगडाने ठेचून हत्या करण्यात आल्याची घटना समोर आली आहे. पोलिसांनी हत्या करणाऱ्यास अटक केली असून क्षुल्लक वादातून ही हत्या करण्यात आल्याचे पोलिसांनी म्हटले आहे.
Subodh Walankar : सकाळीच बोललो ना? शनिवारी प्रयोग आहे ना? अभिनेता सुबोध वाळणकरचं निधन, मराठी कलाकार हळहळले
शालिमार हॉटेल परिसरात एका व्यक्तीला मदत हवी असल्याचा फोन मुंबई पोलिसांच्या नियंत्रण कक्षाला आला. जे. जे. मार्ग पोलिसांचे पथक घटनास्थळी पोहचले. रक्ताच्या थारोळ्यात बेशुद्धावस्थेत पडलेल्या जुमराती शेख याला पोलिसांनी रुग्णालयात नेले. मात्र डोक्याला दुखापत तसेच रक्तस्त्राव झाल्याने शेख याचा मृत्यू झाला.