Shirish Maharaj More Suicide:संत तुकाराम महाराज यांचे अकरावे वंशज असलेले शिरीष महाराज यांनी राहत्या घरात गळफास घेत आत्महत्या केली आहे. त्यांनी उपरणाने गळफास घेतल्याची माहिती आहे.
याप्रकरणी मिळालेल्या अधिक माहितीनुसार, शिरीष महाराज यांनी आर्थिक विवंचनेतून हे टोकाचं पाऊल उचलल्याची माहिती आहे. मंगळवारी (५ फेब्रुवारी) रात्रीच्या सुमारास उपरण्याच्या सहाय्याने त्यांनी गळफास लावून घेतल्याची माहिती आहे.
संघाचे प्रचारक, प्रखर हिंदुत्ववादी विचारवंत अशी ओळख
राष्ट्रीय स्वयंसेवक संघाचे प्रचारक तसेच शिवशंभु प्रतिष्ठानचे अध्यक्ष, प्रखर हिंदुत्ववादी विचारवंत अशी शिरीष महाराज मोरे यांची ओळख होती.
याबाबत मिळालेल्या माहितीनुसार, शिरीष महाराज मोरे यांनी आज सकाळी त्यांच्या राहत्या घरी आकस्मित निधन झाल्याची माहिती समोर आली. परंतु त्यांनी प्रथमदर्शनी आत्महत्या केल्याचे समोर येत आहे. याबाबत अधिकृत माहिती समोर आलेली नसली तरी चर्चांना मात्र उधाण आले आहे.
शिवव्याख्याते म्हणून शिरीष महाराज मोरे यांचा पंचक्रोशीत चांगला मोठा लौकीक होता. नुकतेच त्यांचे लग्न देखील ठरले असल्याची माहिती समोर आली आहे. त्यांच्या घरगुती कार्यक्रम देखील नुकताच पार पडला असल्याची माहिती निटवर्तीयांनी दिली आहे. एवढं सगळं व्यवस्थित असताना त्यांनी असे टोकाचे पाऊल का उचलले असेल असा प्रश्न सर्व सामान्यांना पडला आहे. त्यांचे शवविच्छेदन पिंपरी चिंचवड येथील यशवंतराव चव्हाण रुग्णालयात करण्यात येत आहे.
आर्थिक विवंचनेतून टोकाचं पाऊल
शिरीष महाराज मोरे यांनी आर्थिक विवंचेनेतून ही आत्महत्या केल्याची प्राथमिक माहिती पोलिसांकडून देण्यात आली आहे. याबाबत देहूरोड पोलिसांनी माहिती दिली आहे. हभप शिरीष मोरे महाराज यांच्या पार्थिवावर दुपारी चार वाजता वैकुंठ स्मशान भूमी येथे अंत्यसंस्कार करण्यात येणार आहेत.
लेखकाबद्दलनुपूर उप्पलनुपूर उप्पल, महाराष्ट्र टाइम्स ऑनलाईन टीममध्ये डिजिटल कंटेंट प्रोड्युसर म्हणून कार्यरत आहेत, याआधी टीव्ही ९ मराठी, साम टीव्ही, इन मराठी वेबसाईटसाठी काम केलंय. डिजिटल पत्रकारिता क्षेत्रात ७ वर्षांचा अनुभव. राजकीय, सामाजिक लिखाणाची आवड. गुन्हेगारीसंबंधित, विज्ञानविषयक बातम्यांमध्ये हातखंडा… आणखी वाचा