ताप्ती गंगा एक्सप्रेसमध्ये प्रवाशांवर हल्ला

भुसावळवरून चढलेल्या एका प्रवाशाची दोन राजस्थानी प्रवाशांशी बसण्याच्या जागेवरून वाद झाला होता. यानंतर भुसावळवरुन चढलेल्या सहप्रवाशाने फोन करून नंदुरबार रेल्वे स्टेशनवर मित्रांना बोलवत या दोघांवर चाकूने हल्ल्या केल्याची प्राथमिक माहिती आहे. दोन्ही जखमी प्रवाशांना उपचारासाठी जिल्हा शासकीय रुग्णालयात हलवले आहे. या प्रकरणानंतर ताप्ती गंगा एक्सप्रेस अर्था तास थांबवण्यात आली होती. अर्धा तासानंतर ती जोधपूरकडे रवाना करण्यात आली.
ठाण्यात प्रतिबंधित औषधांचे पेव फुटले, कफ सिरपचे ३१ लाखांचे रॅकेट उघड; पोलिसांकडून मोठी कारवाई
भुसावळ रेल्वे स्टेशनवरुन चढलेल्या एका प्रवाशासोबत राजस्थानी प्रवाशांची बाचाबाची झाली. त्यानंतर भुसावळवरुन चढलेल्या व्यक्तीने फोनवरुन आपले काही साथीदार नंदुरबार रेल्वे स्टेशनवर बोलावले. त्या साथीदारांनी राजस्थानाच्या दोन प्रवाशांवर धारदार शस्त्राने हल्ला केला आहे. या हल्यात सुमेरसिंग जब्बर सिंह (वय २६) आणि परबत डुंगरसिंग परिहार (वय ४०) हे दोन्ही प्रवासी जखमी झाले आहेत. ताप्ती गंगा एक्सप्रेसमध्ये झालेल्या हल्ल्यानंतर संबंधीत प्रवाशांना उपचारासाठी नंदुरबार शासकीय रुग्णालयात दाखल करण्यात आलं आहे. या घटनेनंतर अर्धा ते पाऊण तास एरक्सप्रेस थांबवण्यात आली होती. एक्सप्रेसच्या खोळंब्यानंतर ताप्ती गंगा ट्रेन जोधपूरकडे रवाना करण्यात आली.
या घटनेच्या काही क्षणात रेल्वेच्या लोहमार्ग पोलीस स्टेशनचे पोलीस अधिकारी घटनास्थळी दाखल झाले. त्यांनी हल्लेखोरांनी वापरलेले धारदार शस्त्र जमा केले. यानंतर त्यांनी रुग्णालयात जाऊन जखमींची विचारपूस केली. जखमींपैकी एका रेल्वे प्रवाशाला खोलवर जखम झाली आहे. तसंच त्याच्या मांडीची नसचं कापली गेल्याचा प्राथमिक अंदाज डॉक्टारांनी वर्तवला आहे. दरम्यान, या हल्ल्यातील हल्लेखोरांना जेरबंद करण्याचं आवाहन रेल्वेच्या लोहमार्ग पोलिसांसमोर असणार आहे.