केंद्र सरकारच्या भारतमाला योजनेअंतर्गत निफाड सहकारी साखर कारखान्याच्या १०८ जागेवर ड्रायपोर्ट व मल्टिमॉडेल हब उभारण्यात येणार आहे. जेएनपीटीद्वारे हा ड्रायपोर्ट उभारला जाणार असून, त्यासाठी पाचशे कोटी रुपयांची गुंतवणूक होते आहे. जेएनपीटीने निफाड साखर कारखान्याच्या १०८ एकर जागेच्या मोबदल्यात पहिल्या टप्यात १०५ कोटी रुपये जिल्हा प्रशासनाकडे हस्तांतरित केले असून, प्रशासनाने जमीन अधिग्रहण हस्तांतरणाची प्रक्रिया पूर्ण केली आहे. परंतु अजूनही प्रकल्पाला जोडणाऱ्या रेल्वे मार्गासाठी साडेआठ हेक्टर खासगी क्षेत्राची आवश्यकता असून, त्याचे भूसंपादनही बाकी आहे. यापार्श्वभूमीवर मंगळवारी (दि.२८) जिल्हाधिकारी कार्यालयात बैठक झाली. बैठकीला जिल्हाधिकारी जलज शर्मा, माजी खासदार हेमंत गोडसे, निफाडच्या प्रांतधिकारी हेमांगी पाटील, जेएनपीटीचे स्थानिक अधिकारी उपस्थित होते. शेतकऱ्यांनी भूसंपादनासाठी अधिकचा मोबदला मिळावा, अशी मागणी केली असून प्रशासनाने अद्याप भूसंपादनाचे दर अंतिम केलेले नाहीत.
अरे हे काय? बुलढाण्यात गरोदर महिलेच्या सोनोग्राफी रिपोर्टने डॉक्टरही चकित, गर्भाच्या पोटात दिसलं भलतंच
शेतकऱ्यांचा विरोध पाहता सक्तीने भूसंपादनाचा मुद्दाही पुढे आला आहे, अशा काही मुद्द्यांवर मंगळवारी बैठकीत चर्चा झाली. आठवडाभरात जेएनपीटीचे वाघ यांच्या प्रमुख उपस्थितीत होणाऱ्या बैठकीत या विषयांवर तोडगा निघण्याची शक्यता आहे.
राज्यात घरे-मालमत्ता महागणार! स्वप्नाच्या घरासाठी आता मोजावी लागतील जास्त पैसे, कारण…
‘जेएनपीटी’कडून निविदा प्रक्रियाड्रायपोर्टसाठी जेएनपीटीने पंधरा दिवसांपूर्वी निविदा प्रसिद्ध केली आहे. साधारणत: ३६० कोटी रुपयांच्या आसपासची ही निविदा आहे. ही निविदा प्रक्रिया पूर्ण झाल्यानंतर या कामाला गती मिळणार आहे. हा ड्रायपोर्ट नाशिकसह उत्तर महाराष्ट्रासाठी फायदेशीर ठरणार आहे.