कोणी आक्षेप घेतं किंवा चेक करण्याची वेळ येते त्यावेळी हे सगळं धर्माच्या विरोधात आहे, इस्लामच्या विरोधात आहे, अशा स्वरूपाची भाषा सुरू होते. त्यामुळे अन्य विद्यार्थी जर आपला धर्म शाळेमध्ये, कॉलेजमध्ये आणत नसतील, तर मग मुस्लिम समाजानेही आपला धर्म शाळेत किंवा कॉलेजमध्ये आणू नये अशी भूमिका नितेश राणे यावेळी मांडली आहे. जर का तुम्हाला कोणी प्रश्न विचारला तरी तुम्हाला चटके लागतात, त्यापेक्षा तुम्ही तुमचा धर्म हा घरापर्यंत आणि तुमच्या धर्मशाळांपर्यंतच ठेवा, तो दुसऱ्यावर लादण्याचा प्रकार करू नका, एवढेच आमचं म्हणणं आहे, असं विधान नितेश राणे यांनी केलं आहे.
उद्धव ठाकरेंचे भाजपाशी पुन्हा सूत जुळणार? भाजप नेत्याच्या लेकीच्या लग्नात बड्या नेत्याशी भेट
तुम्ही मंत्री म्हणून अशी भूमिका मांडणं हे म्हणजे मतांचे ध्रुवीकरण करण्यासारखा आहे, या प्रश्नावर नितेश राणे म्हणाले की, कोणत्याही विशिष्ट धर्माचे लांगुलचालन होऊ नये ही आमच्या सरकारची भूमिकाच आहे. त्यामुळे मी काही वेगळं बोलत नाही, त्यामुळे अशा प्रकारचे काही चुकीचे परिपत्रक आणि जीआर निघाले असतील तर सरकारचा प्रतिनिधी म्हणून, सरकारचा भाग म्हणून मला बोलण्याचा अधिकार आहे आणि म्हणूनच मी ते संबंधित मंत्र्यांच्या निदर्शनास आणून दिलं आहे. त्यामुळे अशा प्रकारचं काही परिपत्रक काढलं असेल, ते तुम्ही त्वरित रद्द करा अशी भूमिका मांडली आहे आणि आम्ही सगळे एकाच विचाराचे आहोत कोणत्याही एका धर्माचं लांगुलचालन करता येणार नाही, असंही राणे म्हणाले.
ठाण्यात ‘जनता दरबार’वरुन महायुतीत राजकीय कलगीतुरा, आम्ही पालघरमध्ये जनता दरबार घेऊ : नरेश म्हस्के
बांगलादेशी या विषयाबद्दल बोलताना ते म्हणाले की, आपल्या हिंदु राष्ट्रात जगत असताना हिंदुत्वाबद्दल बोलणे हे मुळामध्ये काही चुकीचं नाही आणि हा काही राजकारण आणि मत मिळवण्याचा विषय राहत नाही, म्हणून हिंदुत्वाचा प्रचार प्रसार करणे हे भारतीय जनता पक्षाचं आणि प्रत्येक हिंदुत्ववादी कार्यकर्त्यांचं कर्तव्यच आहे आणि म्हणूनच त्यासाठी वेगळे राजकारण किंवा निवडणुका याला आम्ही कधीच प्राधान्य देत नाही, अशी भूमिका नितेश राणे यांनी मांडली आहे.

आता माध्यमिक आणि उच्च माध्यमिक शिक्षण घेणाऱ्या मुस्लिम विद्यार्थिनींना बुरखा घालून परीक्षेला बसण्याची परवानगी देणाऱ्या शिक्षण विभागाच्या या निर्णयावर आक्षेप घेतलेल्या नितेश राणे यांच्या भूमिकेनंतर आता शासनाकडून कोणती भूमिका घेतली जाते हे पाहणं महत्त्वाचं ठरणार आहे.