नीती आयोग आणि शिखर बँक यांनी जी माहिती समोर आणली आहे त्यामुळे निवडणुकीधी रेवडी योजना जाहीर केल्यात त्यामुळे महाराष्ट्र राज्यावर ४५ हजार कोटींचा खड्डा आहे. अजून कर्जमाफी व्हायची आहे, जाहीरनाम्यात घोषणा केली आहे, ती आम्ही घेतल्याशिवाय राहणार नाही. देवेंद्र फडणवीस तुम्ही खोटं बोलू नका, अजित पवार आणि एकनाथ शिंदेंची ही भुमिका आहे. लाडक्या बहिणीबरोबरच कर्जमाफी करावी लागेल हे तुमचं वचन आहे. त्यामुळे आता पैसे कुठून आणायचे? मोदींच्या घरातून, अदानींच्या खिशातून काढायचे की गुजरातमधून आणायचे हे तु्म्ही ठरवायचं. पण ज्या घोषणा तुम्ही केल्यात त्या पूर्ण कराव्या लागणार असल्याचं राऊतांनी म्हटलंय. यावेळी बोलताना आत्मचिंतन करण्याऐवजी गद्दारीवर बोलत आहेत, रस्सी जल गई पर बल नहीं गया, उपमुख्यमंत्री एकनाथ यांनी उद्धव ठाकरेंवर केलेल्या टीकेला ठाकरे गटाचे नेते संजय राऊत यांनी प्रत्युत्तर दिलं आहे.

लिहून दिलेली भाषणं आहेत, एकनाथ शिंदे आमचे जुने मित्र आहेत. तुमची रस्सी भाजपवाले कधी जाळतील याकडे लक्ष ठेवा. आगीशी खेळत आहात, आम्ही वाचलोय, आमची रस्सी आम्ही पुन्हा नव्याने वळू आणि त्याचा फासही करू. तो कोणाच्या गळ्यात टाकायचा ते टाकू, आम्ही स्वाभिमानाने बाहेर राहिलो. तुम्ही सगळे लाचारीच्या मार्गाने चालला आहात. त्याला स्वाभिमान म्हणत नाही, इतिहासातील दाखले आम्हाला देऊ नका. आम्ही तुम्हाला आणि तुमच्यासोबत असणाऱ्यांनाही ओळखतो. जे पळून गेले, डरपोकप्रमाणे त्यांनी अशी भाषा करण बरोबर नाही, असं संजय राऊत म्हणाले.