विशेष म्हणजे विधानसभा निवडणुकांच्या अगदी तोंडावर, नोव्हेंबर महिन्यातच इंदूबाई नागरे यांनी पुत्र विक्रम नागरेंसह भाजपला सोडून शिवसेना (उद्धव बाळासाहेब ठाकरे) पक्षात प्रवेश केला होता. त्यावेळी त्यांच्यावर झालेली तडिपारीची कारवाईही चर्चेचा विषय ठरली होती. मात्र त्यानंतर विधानसभेच्या निकालात बदललेले वारे पाहून जेमतेम दोनच महिन्यांत त्यांनी शिवबंधनही सोडलं.

ठाण्यात पक्षप्रवेश सोहळा

राज्याचे उपमुख्यमंत्री एकनाथ शिंदे आणि युवा नेते खासदार श्रीकांत शिंदे यांच्या प्रमुख उपस्थितीत ठाणे येथे हा प्रवेश सोहळा पार पडला. शिवसेना ठाकरे गटाच्या इंदूबाई नागरे, राष्ट्रवादी काँग्रेस शरद पवार गटाच्या पक्षाच्या महिला प्रदेश सचिव समीना मेमन यांच्यासह तीन माजी नगरसेवक, ठाकरे गटाच्या किमान वेतन सल्लागार समितीचे सदस्य विक्रम नागरे यांनी शिवसेना शिंदे गटात प्रवेश केल्याची माहिती पक्ष पदाधिकाऱ्यांनी दिली.
Omraje Nimbalkar : ओमराजे सोडणार उद्धव ठाकरेंची साथ? आमदार कैलास पाटील म्हणतात, सकारात्मक गोष्टींसाठी…
दरम्यान, इंदूबाई नागरे सातपूर विभागातून बिनविरोध निवडून आलेल्या माजी नगरसेविका आहेत. जुने नाशिक परिसरातून तीन वेळा नगरसेविका राहिलेल्या राष्ट्रवादीच्या समीना मेमन अखिल भारतीय मेमन जमातच्या राष्ट्रीय सचिव पदीही कार्यरत आहेत. विक्रम नागरे यांनी भाजप कामगार आघाडीचे माजी प्रदेश सरचिटणीस म्हणूनही काम केले आहे. यावेळी शिवसेनेचे सचिव भाऊसाहेब चौधरी, उपनेते विजय करंजकर, सहसंपर्कप्रमुख राजू लवटे, महानगरप्रमुख प्रवीण तिदमे, हर्षदा गायकर, योगेश म्हस्के उपस्थित होते.

Uddhav Thackeray : पाच जणांनी पक्ष सोडला, संजय राऊत बैठकीतच आक्रमक; म्हणाले, उद्धव ठाकरेंनी ठरवलंय की आपण…

हेमलता पाटलांच्या पक्षांतराची चर्चा

दरम्यान, काँग्रेस पक्षाला सोडचिठ्ठी देण्याचा निर्णय घेणाऱ्या माजी नगरसेविका तथा प्रदेश पदाधिकारी डॉ. हेमलता पाटील यांनीही शिवसेनेत प्रवेश केल्याची वार्ता शहरात सोमवारी सायंकाळी पसरली होती. परंतु, आपण अजून कोणत्याही पक्षात प्रवेश केला नसल्याचे डॉ. पाटील यांनी ‘मटा’ला सांगितले.