दोघांवर गोळीबार करुन हल्लेखोर फरार

या गोळीबारात अमर गणेश पवार (वय २१, रा. मोळाचा ओढा, सातारा), श्रेयस सुधीर भोसले (२१, रा. तामजाईनगर, सातारा) अशी जखमी झालेल्यांची नावे आहेत. अमर पवार व श्रेयस भोसले हे दोघे मेढा येथे न्यायालयात तारीख असल्याने गेले होते. दुपारी तीननंतर ते साताऱ्याला यायला निघाले होते. कोंडवे येथील एका पेट्रोल पंपासमोर आले असता, दुचाकीवर असलेल्या दोघा हल्लेखोरांपैकी एकाने पिस्तुलातून अमर पवार याच्यावर गोळीबार केला. यावेळी एक गोळी अमर याच्या उजव्या पायाच्या पोटरीला लागली, तर दुसरी गोळी श्रेयसच्या कमरेला घासून गेल्याने तो गोळीबारात जखमी झाला आहे. या दोघांवर गोळीबार केल्यानंतर संबंधित हल्लेखोरे तेथून मोळाचा ओढ्याकडे पसार झाले.
Pune Crime : दुचाकीवरुन आले, एकामागे एक गोळ्या झाडल्या, भरदिवसा उद्योजकावरील गोळीबाराने पुणे हादरलं

एक हल्लेखोर पोलिसांच्या ताब्यात, दुसरा फरार

कोंडवे येथे गोळीबार झाल्याचे समजताच पोलिस अधीक्षक समीर शेख, स्थानिक गुन्हे शाखेचे पोलिस निरीक्षक अरुण देवकर, पोलिस निरीक्षक नीलेश तांबे यांच्यासह एलसीबीची टीम घटनास्थळी पोहचली. त्यानंतर पंचनामा करून परिसरातील सीसीटीव्ही फुटेज पोलिसांनी तपासले. त्यातील पेट्रोल पंपावरील सीसीटीव्हीमध्ये हा सारा घटनाक्रम कैद झाला असल्याचे पोलिसांच्या निदर्शनास आले. त्या आधारे पोलिसांनी एका हल्लेखोराला तातडीने साताऱ्यातून ताब्यात घेतले आहे, तर त्याचा दुसरा साथीदार फरार झाला आहे.
पुण्यातील बहीण-भाऊ केरळच्या हॉटेलमध्ये मृतावस्थेत; चिठ्ठी लिहून संपवलं आयुष्य, धक्कादायक कारण समोर

पाळत ठेवून हल्ला झाल्याचा प्राथमिक अंदाज

कास येथे एका हॉटेलमध्ये काही दिवसांपूर्वी बारबालाच्या डान्सवरून यांच्यामध्ये बाचाबाची झाली होती. त्यातून हा हल्ला पाळत ठेवून झाला असल्याची प्राथमिक माहिती पोलिसांच्या तपासात पुढे येत आहे. अधिक तपास सातारा तालुका पोलीस ठाण्याचे पोलीस करत आहेत.