मरीन ड्राइव्ह ते वांद्रे १५ मिनिटांत होणार प्रवास

२७ जानेवारीपासून मुंबईकरांना मरीन ड्राइव्ह ते वांद्रे आणि वांद्रे ते मरीन ड्राइव्ह हा प्रवास अवघ्या १५ मिनिटांत करता येणार आहे. मुंबई कोस्टल रोड दररोज सकाळी ७ ते मध्यरात्री १२ वाजेपर्यंत वाहनांसाठी खुला असेल. कोस्टल रोड, वरळी-वांद्रे सी लिंक मार्गे पश्चिम द्रुतगती महामार्ग अर्थात वेस्टर्न हायवेवरुन मुंबईकरांना मरिन ड्राइव्ह ते दहिसरपर्यंत सिग्नल फ्री प्रवास करता येणार असल्याने हे फायदेशीर ठरेल.

संपूर्ण पाच टप्प्यात कोस्टल रोड सुरू

मुंबईकरांना कोस्टल रोडसाठी ७ वर्ष वाट पाहावी लागली. या कोस्टल रोडची डेडलाइन सतत वाढत होती. त्यामुळे बांधकामाचा खर्च ८००० कोटी रुपयांवरून १३००० कोटी रुपयांपर्यंत गेला. या खर्चात मूळ खर्चाच्या ६१ टक्क्यांची वाढ झाली आहे. संपूर्ण काम पूर्ण झाल्यानंतर कोस्टल रोड पूर्ण क्षमतेने पाचव्या टप्प्यात खुला करण्यात येत आहे. वरळी, प्रभादेवी, लोअर परळ, लोटस जंक्शन या भागातील प्रवाशांसाठी तीन इंटरसिटी मार्गही खुले करण्यात येणार आहेत.
मुंबईकरांच्या खिशाला कात्री, रिक्षा-टॅक्सीचा प्रवास महागणार; किती किमीसाठी किती दरवाढ, पाहा नवे रेट

कोस्टल रोडचे पाच टप्पे

पहिल्या टप्प्यात, बिंदू माधव ठाकरे चौक (वरळी) ते मरीन ड्राइव्ह पर्यंतची दक्षिण लेन (९.२९ किमी) ११ मार्च २०२४ रोजी खुली करण्यात आली.

त्यानंतर दुसरा टप्पा १० जून रोजी मरीन ड्राइव्ह ते हाजी अली मार्गे लोटस जंक्शनपर्यंत नॉर्थ लेन (६.२५ किमी) खुली करण्यात आली.

तिसरा टप्पा खान अब्दुल गफ्फार खान रोड ते हाजी अली ते वांद्रे-वरळी सी लिंक (३.५ किमी) जोडणारी लेन ११ जुलै २०२४ रोजी खुली करण्यात आली आहे.

पुढे १३ सप्टेंबर २०२४ रोजी चौथा टप्पा वांद्रे बाजूकडून मरीन ड्राईव्हच्या दिशेने मार्ग सुरू करण्यात आला होता.

आता पाचवा १०. ५८ किमीचा टप्पा मरीन ड्राइव्ह ते वांद्रे सुरू करण्यात येत आहे.
कल्याण-तळोजा, दहिसर पूर्व- मीरा-भाईंदर… ठाणे-भिवंडी-कल्याण, कुठे, कोणत्या मार्गावर धावणार मेट्रो

२ वर्षांचा विलंब

कोस्टल रोडचं बांधकाम ऑक्टोबर २०१८ मध्ये सुरू झालं होतं. त्यावेळी बीएमसीने डिसेंबर २०२३ मध्ये कोस्टल रोड सुरू होण्याचा दावा केला होता. पण बीएमसी अपयशी ठरली. त्यानंतर आता जोन वर्षांनी विलंबाने २६ जानेवारी २०२५ मध्ये कोस्टल रोड खुला होणार आहे.

या कारणांमुळे कठीण होतं कोस्टल रोडचं काम

– १९६७ मध्ये कोस्टल रोडची एसआरडीपी (Strategic Road Development Programme) तयार करण्यात आली होती.
– १९ एजेन्सीकडून परवानगी घेण्यात आली होती.
– सुप्रीम कोर्टाकडून हिरवा झेंडा मिळाल्यानंतर २०१८ मध्ये काम सुरू करण्यात आलं.
– तसंच मलबार हिलकडील डोंगराळ भाग आणि समुद्राखाली टलन बनवणं मोठं कठीण काम होतं.

कोस्टल रोडच्या सुरक्षेवर प्रश्नचिन्ह

कोस्टल रोड खुला होण्याच्या तयारीत आहे, मात्र कोस्टल रोडच्या कामाच्या दर्जावर अनेकवेळा प्रश्न उपस्थित झालं आहे. वरळी ते मरीन ड्राइव्ह हा टप्पा सुरू करण्यात आल्यानंतर कोस्टल रोड बोगद्यात समुद्राचे पाणी शिरू लागलं. त्याचवेळी सी लिंक आणि कोस्टल रोडच्या कनेक्टर ब्रिजमध्ये गॅप पडली होती. दुसरीकडे कोस्टल रोडचा अंडरपास पावसाळ्यात समुद्राच्या पाण्याने तुडुंब भरल्याचीही माहिती होती.