Anjali Damania Claim : संतोष देशमुख हत्या प्रकरणी अंजली दमानियांनी आक्रमक होत अनेक धक्कादायक दावे केले आहेत. आता देखील याप्रकरणी त्यांनी मोठा दावा केला आहे. संतोष देशमुखांचा मारेकरी विष्णु चाटे याला पोलीस प्रशासनाकडून स्पेशल ट्रीटमेंट मिळत असल्याचा त्यांनी दावा केलाय.
अंजली दमानियांनी आपल्या एक्स हँडलवर पोस्ट लिहून विष्णु चाटेसाठी जेलमध्ये मर्जीतील पोलीस ठेवण्यात आल्याचे नमूद केले आहे. त्या लिहितात की, विष्णु चाटेने बीड येवजी लातुर कारागृहाची मागणी का केली आणि ती त्यांची मागणी पूर्ण करण्यात आली? असा प्रश्न टाकत त्यांनी पुढे ३ जणांचे नावही घेतले आहेत. ते म्हणजे, पहिला सुभेदार, नारायण मुंडे (जवळचे नातेवाईक) दुसरा मुरलीधर गित्ते (बंदुक वाल्या फडचा मेव्हणा) तिसरा श्रीकृष्ण चौरे (मावसभाऊ व ५ पोकलेनचा मालक). हे सर्व मर्जीतले अधिकारी का? असे विचारत त्यांनी पोलीस प्रशासनाला घेरले आहे.
यासोबतच ‘हा आरोप कोणत्याही समजाविरुद्ध नसल्याचे’ दमानिया म्हणाल्या आहेत. तर असे जेल आरोपी किंवा गुन्हेगार का मागतो यासाठी दिलेले कारण समजून घ्यावे, असेही त्यांनी सांगितले.
चेतना कळसे जळाली की जाळली? वडिलांचा गळफास, आई वेडी झाली, भाऊ गायब; धसांचे आकांवर गंभीर आरोप
तर दमानियांनी पुढे असाही दावा केला की, त्याच्या स्पेशल ट्रीटमेंटची सुरुवात कारागृहातील आगमनापासुनच आहे. ताबडतोब ही पूर्ण चौकशी मुंबईला हलवा आणि त्या गुन्हेगाराला पण मुंबईला आर्थर रोड जेलमध्ये ठेवा, अशी मागणीही त्यांनी केली आहे. तर आपण ADG संजय सक्सेना यांना भेटून ही मागणी केल्याचेही नमूद केले आणि उद्या DG रश्मी शुक्ला यांची सकाळी भेट घेणार असल्यातेही त्यांनी सांगितले.
लेखकाबद्दलविमल पाटीलविमल पाटील, महाराष्ट्र टाइम्स ऑनलाईनमध्ये कंसल्टंट म्हणून कार्यरत आहे. याआधी सामना, आरएनओ वृत्तसंस्थेमध्ये रिपोर्टर म्हणून काम केलं आहे. पत्रकारिता क्षेत्रात तीन वर्षांचा अनुभव आहे. राजकीय आणि विश्लेषणात्मक बातम्या लिहण्याची आवड.… आणखी वाचा