मुकेश रमेश शिरसाठ (वय २६) असे मृत तरुणाचे नाव आहे. प्रेम विवाह केलेला तरुण आणि तरुणी दोघेही एकाच जातीचे आहेत. “माझ्या पतीच्या मारेकऱ्यांना लवकरात लवकर फाशीची शिक्षा झाली पाहिजे. मी चार वर्षांपूर्वी प्रेम प्रकरणातून लग्न केलं. चार वर्ष झाली, मी त्यांच्या घरी सुद्धा गेलेली नाही, ते माझ्या पतीला वारंवार टॉर्चर करत होते.” असा आरोप मयत तरुणाच्या पत्नीने केला.

“मला दोन मुलं आहेत. आता ती मुलं कुणाकडे दाद मागणार? आणि मी देखील कशी काय राहू? यांना जर मुलगी लागत होती तर माझा हिरा का हिरावून घेतला?” असा सवाल तरुणीने विचारला.
Pune Crime : बायको प्रेग्नंट, नवऱ्याने अविवाहित असल्याचं भासवून डॉक्टरला गंडवलं; पुण्यात तरुणीने आयुष्य संपवलं

बहिणीचा पोलिसांवर आरोप

माझ्या भावाची मान कापून टाकली. आम्हाला न्याय मिळाला पाहिजे. पोलिसांनी आमच्याशी अरेरावीची भाषा केली, तसेच आम्हाला म्हटले की मेल्यानंतर तुम्ही आमच्याकडे येतात. नितीन केदार हा पोलीस आम्हाला म्हणतो की त्याला मारून टाका तेव्हा आम्ही बघू, असा आरोप मयत मुकेशच्या बहिणीने पोलिसांवरती केलेला आहे.

पोलीस पैसे खातात, आम्ही पोलिसांना पैसे देतो, त्यांनी आमच्या भावाला परत आणावे, माझ्या भावाला न्याय मिळाला नाही तर आम्ही पोलीस स्टेशन समोर आत्मदहन करणार असल्याचा इशारा देखील त्यांनी पोलिसांना दिला आहे.

चार वर्षांपूर्वी पळून जाऊन प्रेम विवाह

मुकेशने चार वर्षांपूर्वी पूजा शिरसाठ हिच्याशी पळून जाऊन प्रेम विवाह केला होता. पूजाचे आई-वडील आणि भाऊ त्यांच्या घरापासून काही अंतरावरच राहतात. मुकेशने पळून जाऊन प्रेमविवाह केल्याचा राग पूजाच्या माहेरच्यांना होता.
Buldhana Crime : भावोजी उठले कसे नाहीत? वहिनी डोकावली; डॉक्टरांच्या घरी दरोडा, दाम्पत्य निपचित, लेकीच्या वाढदिवशी अनर्थ
रविवारी सकाळी मुकेश दुकानात गेला होता. त्यावेळी पूजाचे काका सतीश केदार, भाऊ प्रकाश सोनवणे, यांच्याबरोबर सुरेश बनसोडे, बबलू बनसोडे, राहुल सोनवणे, पंकज सोनवणे, अश्विन सुरवाडे, विकी गांगले, बबल्या गांगले आणि इतर दोन अनोळखी व्यक्ती तिथे आल्या. त्यांनी ‘तू पूजाशी पळून जाऊन लग्न केलंस. यापूर्वी सोडून दिलं होतं; आता मात्र तुझ्या परिवाराला संपवू,’ अशी धमकी मुकेशला दिली होती.