एकनाथ शिंदे नाराज

मुख्यमंत्री देवेंद्र फडणवीस यांनी रायगड जिल्ह्याचे पालकमंत्रीपद राष्ट्रवादी कॉंग्रेस अजित पवार गटाचे प्रदेशाध्यक्ष खासदार सुनील तटकरे यांची कन्या तथा महिला व बाल विकास मंत्री अदिती तटकरे यांना दिले. तर नाशिक जिल्ह्याची जबाबदारी भाजपचे गिरीश महाजन यांच्याकडे सोपवण्यात आली. शिवसेनेने नाराजी व्यक्त केल्यानंतर सरकारने दोन्ही जिल्ह्यांतील पालकमंत्री पदाला स्थगिती दिली. पालकमंत्री पदाच्या या स्थगिती निर्णयामुळे आता राष्ट्रवादी काँग्रेस आणि भाजपचे नेते नाराज झाले आहेत. रायगड जिल्ह्यात राष्ट्रवादी आणि शिवसेना यांच्यात आधीच तणावाची परिस्थिती आहे. रायगडच्या पालकमंत्रीपदावर शिवसेनेने यापूर्वीच दावा केला होता. त्यानंतरही हे पद राष्ट्रवादीला दिल्याने एकनाथ शिंदे संतापले होते.

अजित पवार आधीही होते नाराज

यापूर्वीही राष्ट्रवादी काँग्रेसचे अध्यक्ष अजित पवार यांनी मुख्यमंत्री देवेंद्र फडणवीस यांच्या एका निर्णयावर तीव्र नाराजी व्यक्त केली होती. मुख्यमंत्र्यांनी राष्ट्रवादीच्या दोन कॅबिनेट मंत्र्यांचे निर्णय रद्द केले होते, त्यामुळे राष्ट्रवादीचे अध्यक्ष अजित पवार दुखावले होते. वैद्यकीय शिक्षण विभागाचे मंत्री हसन मुश्रीफ आणि सहकार मंत्री बाबासाहेब पाटील यांच्या निर्णयावर मुख्यमंत्र्यांनी कारवाई केली होती. त्यावर अजित पवार म्हणाले होते की, महायुतीत सर्वांना एकत्र पुढे जायचे असेल तर कोणताही निर्णय घेण्यापूर्वी चर्चा झाली पाहिजे.